Мосин бинтиэпкэтэ
7,62 мм бинтиэпкэ, 1891 сыл образеһа (Үс линиялаах), (нууччалы винтовка Мосина, трёхлинейка) - Арассыыйа Импиэрийэтигэр уонна кэнники Сэбиэскэй Сойууска сэбилэниигэ турбут магазиннаах бинтиэпкэ.
История
XIX үйэ бүтүүтүгэр бары Европа дойдулара, саҥа кыра калибрдаах (8 миллиметратан аччаҕай), хас да ботуруонунан иитиллэр саалары аармыйаларын сэбилээһиҥҥэ ылбыттара. Арассыыйа онтон хаалсымаары эмиэ саҥа бинтиэпкэҕэ наадыйбыта, урукку хара буораҕынан ытар, 4,2 линиялаах (10,65 мм) калибрдаах Бердан бинтиэпкэтэ морально эргэрбитэ.
Тэриллибит куонкуруска нуучча сэрии сэбин конструктора Сергей Иванович Мосин уонна Бельгия техника айааччыта Леон Наган кыттыбыттара. Кинилэр оҥорбут саалара хайата да хамыыһыйаны астыннарбаҕа, ол иһин кинилэр санааларын холбоон, икки бинтиэпкэттэн саҥа сааны оҥорбуттара.
Ол бинтиэпкэни Россия Императора Александр III үс линиялах бинтиэпкэ, 1891 сыллааҕы образец диэн аатынан 1891 сыллаахха муус устар 16 күнүгэр бигэргэппитэ.