Нуучча тылынанАнал бырайыактар
Тылы уларыт
УРУБИИКИ ТУҺУНАН

Михайлов Осип Викторович

Осип Викторович Михайлов (1984 сыл тохсунньу 4 күнэ, Бэрдьигэстээх, Саха АССР) — көҥүл тустууга арассыыйа бөҕөһө. Арассыыйа чөмпүйүөнэ (2007). Аан Дойду Кубогын хамаанданан хаһаайына.

«Азия оҕолоро» спортивнай оонньуулар (2000), Монголияҕа, Испанияҕа ыытыллыбыт норуоттар икки ардыларынааҕы турнирдар кыайыылаахтара, Арассыыйа чөмпүйэнээтин үрүҥ көмүс призёра (2006, 2009), бырааттыы Белоглазовтар, С.Саркисян уонна Я.Догу ааттарынан норуоттар икки ардыларынааҕы турнирдар призёрдара, Арассыыйа устудьуоннарга чөмпүйүөнэ (2008).

Карьерата

2006 сыл от ыйыгар Нижневартовскайга Арассыыйа чөмпүйэнээтин финалыгар Михайлов дьаныардаах тустууга Бесик Кудуховка хотторбута. 2007 сыл от ыйыгар Москубаҕа Арассыыйа чөмпүйэнээтин финалыгар үс кэмҥэ Джамал Отарсултановы кыайбыта, турнир кыайыылааҕа буолбута[1]. 2008 сыл бэс ыйыгар Санкт-Петербурга Арассыыйа чөмпүйэнээтигэр бастакы эргииргэ Нариман Исрапиловка хотторбута[2]. 2008 сыл олунньутугар Владикавказ куоракка Арассыыйа сүүмэрдэммит хамаандатын састаабыгар Аан дойду Кубогын хаһаайына буолбута[3]. 2009 сыл от ыйыгар Арассыыйа чөмпүйэнээтин финалыгар Виктор Лебедевка кыаттарбыта, үрүҥ көмүс мэтээли ылбыта[4].

Михайлов 2013 сылтан Саха сирин көҥүл тустууга сүүмэрдэммит хамаандатын салайааччытынан үлэлээбитэ.

Кулун тутар 27 күнүгэр 2023 сыллаахха Саха Өрөспүүбүлүкэтин физическэй култуураҕа уонна спорка миниистирин Леонид Спиридонов бирикээһинэн «Бэрдьигэстээх нэһилиэгин Олимпийскай резервэ өрөспүүбүлүкэтээҕи успуорт оскуолата» СӨ СБТ дириэктэринэн Осип Михайлов анаммыта[5].

2025 сыллаахха кулун тутар саҥатыгар Майаҕа ыытыллыбыт Н. Н. Тарскай бирииһигэр Саха сирин көҥүл тустууга чемпионатыгар 60 киилэҕэ 53 кыттааччыттан бастакы миэстэҕэ тахсыбыта[6].

Успуорка ситиһиилэрэ

  • Арассыыйа көҥүл тустууга чөмпүйэнээтэ 2006 — 2;
  • Арассыыйа көҥүл тустууга чөмпүйэнээтэ 2007 — 1;
  • Тустууга аан дойду кубога 2008 (хамаанда) — 1;
  • Арассыыйа көҥүл тустууга чөмпүйэнээтэ 2009 — 2;

Тус олоҕо

1-кы кылаастан 9-с кылаастарга диэри Дьиикимдэ сэлиэнньэтин орто оскуолатыгар үөрэммитэ, онтон 10-с кылаастан Дьокуускайдааҕы олимпийскай резервэ училищетыгар үөрэнэ киирбитэ. Ахсынньы 2 күнүгэр 2006 сыллаахха Дьокуускайга Осип Ольга Матвееваны кытта ыал буолбута. Бэс ыйын 2 күнүгэр 2007 сыллаахха уола Уйгун, 2009 сыллаахха Сандаара, онтон 2013 сыллаахха Сайаана төрөөбүтэ.

Наҕараадалара

  • АБ-тин успуордун маастара;
  • Горнай улууһун бочуоттаах олохтооҕо;
  • «Физкультура уонна успуорт сайдыытыгар өҥөлөрүн иһин» СӨ-тин физическэй култуураҕа уонна успуорка министерствотын бочуоттаах бэлиэтэ[5].

Быһаарыылар

  1. ↑ Победители дадут пресс-конференцию. web.archive.org. Сигэнии күнэ: 13 Кулун тутар 2026.
  2. ↑ В финале чемпионата России по вольной борьбе в весовой категории до 55 кг встрется Джамал Отарсултанов и Лабазан Аскербиев. web.archive.org. Сигэнии күнэ: 13 Кулун тутар 2026.
  3. ↑ Кубок мира по вольной борьбе — 2008. web.archive.org. Сигэнии күнэ: 13 Кулун тутар 2026.
  4. ↑ Виктор Лебедев: борьбой хапсагай и мас-рестлингом никогда серьёзно не занимался, но вольная борьба в Якутии — не менее популярный вид спорта. allsportinfo.ru. Сигэнии күнэ: 20 Кулун тутар 2026. Архивировано 10 Тохсунньу 2022 года.
  5. ↑ 1 2 Осип Михайлов назначен директором Республиканской спортивной школы олимпийского резерва в с.Бердигестях (рус.). sportyakutia.ru. Сигэнии күнэ: 13 Кулун тутар 2026.
  6. ↑ Осип Михайлов бэйэтигэр эрэллээх. Сигэнии күнэ: 13 Кулун тутар 2026.

Сигэлэр

Категориялар