Маҕан аэропорда

Маҕан аэропорда (ИКАО: UEMM) — өрөспүүбүлүкэ аэропорда, Маҕантан биир километр илин, Дьокуускайтан 12 км сиргэ баар. Билигин Саха сирин сорох улуус кииннэрин кытта сөмүөлүөтүнэн уонна бөртүлүөтүнэн сырыыны хааччыйар, ону тэҥэ "Дьокуускай" аэропордун саппаас аэропорда.

Аҕа дойду Улуу сэриитин кэмигэр АХШ-тан сөмүлүөттэри уонна лендлиз таһаҕаһын ССРС-ка аҕаларга туһаныллар этэ, тоҕо диэтэххэ, Дьокуускай аэропорда куораттан уонна өрүстэн чугас буолан туманнаах буолара. Ыарахан ыйааһыннаах куруус таһар союзниктар сөмүлүөттэрин ыларыгар ССРС-ка саамай уһун буор балаһа тутуллубута — уһуна 3,4 км^[1].