Нуучча тылынанАнал бырайыактар
Тылы уларыт
УРУБИИКИ ТУҺУНАН

Лиханов Владимир Иванович

Владимир Иванович Лиханов (1948 сыл от ыйын 27 күнэ, Өктөм, Саха АССР — 2003 сыл от ыйын 27 күнэ) — сэбиэскэй, Арассыыйа учуонайа, филология билимин кандидата, саха тылын чинчийээччи.

Олоҕун олуктара

1948 сыллаахха от ыйын 27 күнүгэр Хаҥалас улууһун Өктөм нэһилиэгэр төрөөбүт.

1976 сыллаахха Саха государственнай университетын (билигин — М. К. Аммосов аатынан Хотугулуу-Илиҥҥи федеральнай университет) бүтэрбит.

Сэбиэскэй Аармыйа кэккэтигэр Байыаннай муора флотугар (нууч.) (сах. сулууспалаабыт.

1978 сыллаахха ССРС Билим Академиятын Сибиирдээҕи салаатын Дьокуускайдааҕы филиалыгар аспирантураҕа үөрэнэ киирбит.

1982 сылтан — тыл, литература уонна история институтугар лексикология уонна лексикография салаатыгар старшай лаборант.

1987 сылтан — алын билим үлэһит.

1988 сыллаахха филология билимин кандидатыгар «Эмоционально-оценочные и экспрессивные слова в якутском языке» тиэмэҕэ суруйбут диссертациятын ситиһиилээхтик көмүскээбит.

1991 сыллаахха ТЛИ институтугар билим үлэһит, онтон 1994 сылтан — тыл үөрэҕин салаатын старшай билим үлэһитэ буолбут.

1995 сыллаахха Гуманитарнай чинчийии институтун терминология салаатын салайааччытынан анаммыт, онтон 1998 сыллаахха бу институт тылдьыт салаатын салайааччыта буолбут.

2003 сыллаахха от ыйын 27 күнүгэр өлбүт[1].

Билим үлэтэ

В. И. Лиханов саха тылын лексикографиятын уонна лексикологиятын чинчийбит. Саха тылын 15 туомнаах Улахан Быһаарыылаах тылдьытын оҥорууга үлэлэспит.

Сүрүн үлэлэрэ

  • «Эмоционально-оценочные и экспрессивные слова в якутском языке» (Новосибирск, 1994), монография.
  • «Краткий толковый словарь якутского языка» (Якутск, 1994), соавтор.
  • «Большой академический Толковый словарь якутского языка». I том. (Новосибирск, 2004), соавтор.
  • Ыстатыйалар
  • «Эмоционально-оценочные и экспрессивные слова в художественной литературе» (Якутск, 1986).
  • «Эмоционально-оценочные слова в якутском языке» (Якутск, 1989).
  • «Эмоционально-оценочные и экспрессивные прилагательные в якутском языке» (Якутск, 1991).
  • «Быһаарыылаах тылдьыт салаатын 30 сыла» (Якутск, 2003)[2].

Наҕараадалара уонна ытык ааттара

  • Филология билимин кандидата (1988);
  • Гавриил Васильевич Ксенофонтов аатын бириэмийэ лауреата (1995)[1].

Аатын үйэтитии

  • 2004 сыллаахха Дьокуускайга В. И. Лиханов туһунан «Олоххо үтүө өйдөбүлү хаалларбыта. Ахтыылар» кинигэ тахсыбыт[1];
  • 2018 сыллаахха саха тылын Улахан Быһаарыылаах тылдьыта бүтэһик 15-с туом бэчээттэнэн тахсыбытынан сибээстээн, Өктөм нэһилиэгин Чапаев сэлиэнньэтигэр СӨ бастакы Президенин архыып-бибилэтиэкэтигэр тылдьыт сүрэхтээниитэ В. И. Лиханов кэриэһигэр буолан ааспыт[3].

Быһаарыылар

  1. ↑ 1 2 3 Справочник ИГИ. Ученые-исследователи. web.archive.org. Сигэнии күнэ: 14 Муус устар 2026.
  2. ↑ Ученые - выходцы Октемского наслега. nikolaevcentre.ru. Сигэнии күнэ: 14 Муус устар 2026.
  3. ↑ Презентация Большого толкового словаря якутского языка в 15-ти томах. nikolaevcentre.ru. Сигэнии күнэ: 14 Муус устар 2026.

Категориялар