Нуучча тылынанАнал бырайыактар
Тылы уларыт
УРУБИИКИ ТУҺУНАН

Ларионова Анна Семеновна

Ларионова Анна Семеновна (төр. 1955 сыл бэс ыйын 2 күнэ, Дьокуускай) — искусствоведение дуоктора. Саха Өрөспүүбүлүкэтин билимин үтүөлээх деятелэ (2025).

Олоҕун олуктара

Анна Ларионова 1955 сыллаахха бэс ыйын 2 күнүгэр Дьокуускайга төрөөбүтэ[1].

1976 сылга Дьокуускайдааҕы муусука училищетын бүтэрбитэ.

1983 сылга М. И. Глинка аатынан Новосибирскайдааҕы государственнай консерваторияны бүтэрбитэ.

1981—1986 сс. — Дьокуускайдааҕы муусука училищетыгар теория дисциплиналарыгар преподаватель, Саха муусукатын түмсүүтүгэр — консультант.

1987—1990 сс. — Саха АССР Гостелерадиотын старшай эрэдээктэрэ.

1991 с. — Саха АССР култууратын министиэристибэтин иһинэн култуура уонна ускуустуба Киинин главнай үлэһитэ. 1991—2005 сс. — гуманитарнай чинчийии Институтын олоҥхо салаатыгар младшай, старшай научнай үлэһит.

1996 с. — искусствоведение хандьыдаатыгар «Жанрово-тематическая классификация песен стиля „дэгэрэн ырыа“» тиэмэҕэ диссертациятын ситиһиилээхтик көмүскээбитэ. 2005 с. — искусствоведение дуокторыгар «Проблемы взаимодействия музыки и слова в якутском дьиэрэтии ырыа» тиэмэҕэ диссертациятын ситиһиилээхтик көмүскээбитэ[1].

2005 сылтан — РНА СС гуманитарнай чинчийии уонна аҕыйах ахсааннаах омуктар кыһалҕаларын үөрэтэр Институт ведущай научнай үлэһитэ, саха фольклорун салаатын сэбиэдиссэйэ.

А. С. Ларионова Саха муусукаҕа култуура сайдарыгар өҥөлөөх: 1986 сыллаахха кини көҕүлээһининэн оҕо филармонията аһыллан, хас да сыл үлэлээбитэ. Арассыыйа литэрэтиирэтин уонна ускуустубатын күннэрэ Саха сиригэр ыытыллар кэмнэригэр кыттыбыта.

Билим үлэтэ

А. С. Ларионова 50-ча научнай үлэ ааптара.

2012 сылга «Напевы героичесмкого эпоса олонхо: типологические и символические аспекты» диэн монографията Саарбрюккен куоракка (Германия) таҕыспыта[1].

Наҕараадалара

  • Арассыыйа Билим академиятын Сибиирдээҕи салаатын үтүөлээх бэтэрээнэ;
  • Саха Өрөспүүбүлүкэтин билимин үтүөлээх деятелэ (2025)[2].

А. С. Ларионова туһунан

  • Российские фольклористы. Справочник. — М., 1994. — С.73-74, 162.
  • Взаимодействие культур народов Якутии в XVII—XXI вв. (Тезисы, доклады, выступления республиканской научно-практической конференции). — Якутск: РНМЦ НТ и СКД им. А. Е. Кулаковского. Заочный Центр культурологического образования МК и ДР РС(Я), 2003. — С. 127.
  • Традиционная культура коренных народов. //Традиционная музыкальная культура народов Сибири. — Т. 1. — Кн. 1. — Новосибирск, 1997. — С.405.// Музыкальная культура Сибири: в 3 т.

Быһаарыылар

Категориялар