Куценко Дмитрий Михайлович

Дмитрий Куценко 1987 сыллаахха Новосибирскай куоракка төрөөбүтэ. Игирэ бырааттаах Денис уонна улахан бырааттаах Василий. Игирэлэр төрөөбүттэрин кэннэ сотору дьиэ кэргэн Саха Сирин Өлүөхүмэ улууһугар көспүтэ^[1]. Өлүөхүмэ 2№-дээх орто оскуоланы бүтэрэн баран, 2009 сыллаахха Дмитрий Новороссийскайга срочнай сулууспаны ааспыта. Онтон Арассыыйа Федерациятын Оборона министиэристибэтин кытта дуогабар түһэрсэн, 2011 сыллаахха Севастополь куоракка 810-с байҕал пехота биригээдэтигэр сулууспалыы киирбитэ^[2].

Бэйэтин подразделениятын састаабыгар анал байыаннай дьайыыга кыттыбыта. Мариуполь куораты босхолооһуҥҥа 810-с байыаннай биригээдэ сүрүн оруолу оонньообута. Дмитрий Куценко салайар батальона биригээдэ подразделенияларыттар бастыҥынан билиниллибитэ^[3].

Ол кэнниттэн Дмитрий Куценко биригээдэтэ босхоломмут нэһилиэнньэлээх пууну тутар сорудаҕы ылбыта. Көмүскэннэрин оҥорон баран, байыаннайдар өстөөх элбэх күүстэрин саба түһүүлэрин уонча чаас устата тохтоппуттара. Капитан Куценко гвардия хапытаанын салалтатынан сэрииһиттэр 4 бронетехниканы уонна 20-чэ өстөөх киһи күүһүн суох оҥорбуттара. Сорудах толороммута^[4].

Сулууспатын тухары Дмитрий Куценко үс төгүл «Эр буолуу» уордьанынан наҕараадаламмыта. РФ Президенын 2024 сыл балаҕан ыйын 9 күнүнээҕи уурааҕынан, бойобуой дьайыылар кэмигэр көрдөрбүт хорсун быһыытын иһин гвардия капитана Дмитрий Куценкоҕа Арассыыйа Федерациятын Дьоруойун аатын иҥэрбиттэрэ уонна «Кыһыл көмүс Сулус» мэтээлинэн наҕараадаламмыта^[5].

2024 сыл балаҕан ыйыгар Дмитрий Куценко болдьоҕун иннинэ подполковник сыбаанньатыгар үрдэтиллибитэ^[6].

2025 сыл сайыныгар «Дьоруойдар кэмнэрэ (нууч.) (сах.» АБДь кыттыылаахтарыгар аналлаах каадыр бырайыагын чэрчитинэн Саха Өрөспүүбүлүкэтин Тырааныспарга уонна суол эбийиэктэригэр министиэристибэтигэр стажировканы ааспыт^[7].