Кочегар (киинэ)
Кочегар (Хачыгаар) — режиссер Алексей Балабанов киинэтэ, сүрүн оруолу Саха тыйаатырын артыыһа Михаил Скрябин оонньообута.
Сүрэхтэниитэ 2010 сыл атырдьах ыйыгар Выборг куоракка «Окно в Европу» киинэ бэстибээлигэр буолбута, манна киинэ дьүүллүүр сүбэ «Үрдүк профессиональнай маастарыстыба иһин» анал бирииһин уонна Арассыыйа киинэ үөрэхтээхтэрин уонна кириитиктэрин гильдиятын бириэмийэтин ылбыта. Арассыыйа киинэ тыйаатырдарыгар 2010 сыл алтынньы 13 күнүгэр тахсыбыта.
Аан дойдутааҕы сүрэхтэниитэ 2011 сыл тохсунньу 29 күнүгэр Роттердамнааҕы 40-с норуоттар икки ардыларынааҕы киинэ бэстибээлин күрэскэ киирбэт бырагырааматыгар буолбута.
Киинэни Арассыыйа кириитиктэрэ үчүгэйдик ылыммыттара. Сүрүн хаачыстыбаларын быһыытынан режиссура уонна артыыс Михаил Скрябин оонньуута бэлиэтэммиттэрэ.
Айар бөлөх
Устубут бөлөх
- Алексей Балабанов — режиссёр, сценарист
- Сергей Сельянов — продюсер
- Александр Симонов — туруорааччы оператор
- Анастасия Каримулина — туруорааччы худуоһунньук
- Максим Беловолов — тыас-уус режиссера
- Татьяна Кузьмичёва — монтажёр
- Надежда Васильева — көстүүм худуоһунньуга
- Наталья Крымская — грим худуоһунньуга
Оруолларга
- Михаил Скрябин — Саха (майор Иван Матвеевич Скрябин)
- Юрий Матвеев — Бизон (Василий)
- Александр Мосин — Сержант (Михаил)
- Аида Тумутова — Саша, Саха кыыһа (Елизавета Боярская саҥардар)
| Билэ:Film icon.svg | Бу киинэ туһунан сиппэтэх ыстатыйа. Көннөрөн уонна эбэн биэрэн УРУБИИКИ көмөлөһүөххүн сөп. |
