Нуучча тылынанАнал бырайыактар
Тылы уларыт
УРУБИИКИ ТУҺУНАН

Корняков Михаил Викторович

Михаи́л Ви́кторович Корняко́в (1974 сыл атырдьах ыйын 30 күнэ, Алдан, Саха АССР) — арассыыйа учуонайа уонна педагога, тиэхиникэ билимин дуоктара, дассыан. Иркутскайдааҕы национальнай чинчийэр техническэй университет ректора.

Олоҕун олуктара

Атырдьах ыйын 30 күнүгэр 1974 сыллаахха Алдан куоракка, Алдан оройуонугар үс оҕолоох дьиэ кэргэҥҥэ төрөөбүтэ. Ийэтэ музыкальнай оскуолаҕа учууталлаабыта, аҕата олохтоох аэродромҥа электригинэн үлэлээбитэ, көтөр балаһаҕа техниканы хааччыйбыта.

Оскуолаҕа домраҕа оонньуурун сөбүлүүрэ. Ахсыс кылааһы бүтэрэн баран Алдан политехническай техникумугар «хайа электромеханиката» идэҕэ үөрэнэ киирбитэ. Электригинэн үлэлээбитэ. 1993 сыллаахха Иркутскайдааҕы судаарыстыбаннай техническэй университекка хайа факультетын «промышленнай установкалар уонна технологическай комплекстар электрическэй приводтара уонна автоматиката» идэҕэ тута иккис кууруска үөрэнэ киирбитэ. Университекка үөрэнэ сылдьан профессор Евгений Всеволодович Чудогашев сүбэтинэн билим үлэнэн дьарыктанарга быһаарыммыта. Аспирантураҕа киирбитэ, сэргэ кэтэхтэн-киэһээҥҥи факультекка «аан дойду экономиката» идэҕэ үөрэммитэ, харабылынан үлэлээбитэ.

2000 с. «Защита шахтных подъемных установок от динамических нагрузок при зависании подъемных сосудов в стволе» диэн тиэмэҕэ хандьыдаат диссертациятын көмүскээбитэ. 2008 с. «Защита шахтных подъемных установок от динамических нагрузок при движении сосудов в глубоком стволе» тиэмэҕэ дуоктар диссертациятын көмүскээбитэ[1].

Билим үлэтэ

Корняков билимҥэ интэриэһин уобалаһа хайа электромеханикатын кытта сибээстээх, чинчийиилэригэр шахта көтөҕөр установкаларын куттала суох буолуутун хааччыйыыга уонна динамическай таһаҕастартан көмүскээһиҥҥэ болҕомтотун уурар.

74-тэн тахса бэчээттэммит үлэ ааптара (икки монография, алта үөрэх-методическай пособиета, киин таһаарыыларга 22 ыстатыйа, Арассыыйа Бэдэрээссийэтин патеннарыгар 11 авторскай туоһу, ЭВМ программаларыгар 8 туоһу)[2].

Карьерата

2008—2010 сылларга билим үлэ салалтатын начальнигын дуоһунаһыгар үлэлээбитэ, онтон 2010—2016 сылларга инновационнай үлэ проректорынан үлэлээбитэ[3]. 2016 сыл алтынньытыттан ректор эбээһинэһин толорооччу, 2017 сыл бэс ыйыгар Иркутскайдааҕы национальнай чинчийэр техническэй университет (нууч.) (сах. ректорынан талыллыбыта[1][4]. Муус устар 22 күнүгэр 2022 сыллаахха биэс сыл болдьоххо ректор дуоһунаһыгар хат талыллыбыта[5].

Санкциялар

Кулун тутар 6 күнүгэр 2022 сыллаахха Украинаҕа байыаннай дьайыылар саҕаламмыттарын кэннэ президент Владимир Путин дьайыыларын өйүүр сурукка илии баттаабыта[6]. 2022 сыллаахха бэс ыйын 9 күнүгэр болдьоҕо суох кэмҥэ украина санкцияларын испииһэгэр киллэриллибитэ.

Быһаарыылар

  1. ↑ 1 2 ИрГТУ - Михаил Викторович Корняков. istu.edu. Сигэнии күнэ: 20 Муус устар 2026.
  2. ↑ Михаил Корняков стал ректором ИРНИТУ. Архыыптаммыт 2018, Кулун тутар 21 күнүгэр. Сигэнии күнэ: 20 Муус устар 2026.
  3. ↑ Корняков Михаил Викторович. Аккредитация в образовании. Сигэнии күнэ: 21 Муус устар 2026.
  4. ↑ Исполняющим обязанности ректора ИРНИТУ назначен Михаил Корняков (рус.). ogirk.ru. Сигэнии күнэ: 20 Муус устар 2026.
  5. ↑ Михаил Корняков во второй раз избран ректором ИРНИТУ. ИРНИТУ (22 Муус устар 2022). Сигэнии күнэ: 20 Муус устар 2026.
  6. ↑ Обращение Российского Союза ректоров. Сигэнии күнэ: 20 Муус устар 2026. Архивировано 6 Кулун тутар 2022 года.

Категориялар