Корнилова Матрена Матвеевна

1915 сыллаахха муус устар 11 күнүгэр Өлүөхүмэ оройуонун Кыыллаах нэһилиэгэр төрөөбүт.

1936 сыллаахха Өлүөхүмэ тыа хаһаайыстыбатын техникумун бүтэрбит. 1936—1946 сс. МТС уонна оруйуон сир салаатын агрономунан үлэлээбит, оскуолаҕа учууталлаабыт.

1951 с. Москватааҕы Тимирязев аатынан тыа хаһаайыстыбатын академиятын бүтэрбит.

1951 сыллаахтан Саха АССР тыатын хаһаайыстыбатын суортуур управлениетын начаалынньыгынан үлэлээбит, онтон Мэҥэ-Хаҥалас МТС уонна оруйуоннааҕы тыа хайаайыстыбатын инспекциятыгар сүрүн агронмунан үлэлээбит. 1961 сыллаахтан — Покровскайдааҕы ОПХ страшай агронм-овощевода. Бу үлэтигэр өрөспүүбүлүкэтээҕи оҕуруот аһын уонна хортуопуйу үүннэрээччилэргэ уопут атастаһар оскуола тэрийбит.

Бурдук уонна оҕуруот аһын сиэмэлэрин тарҕатыынан дьарыктаммыт; Саха сиригэр оҕуруот аһын үүннэриини билимҥэ тирэҕирдибит^[1].

ССРС Үрдүкү Сүбэтин Президиумун 1966 сыл муус устар 30 күнүнээҕи Ыйааҕынан Корнилова Матрена Матвеевнаҕа Социалистыы Үлэ Дьоруойун аата иҥэриллибит, Ленин уордьана уонна «Сиэрпэ уонна Балта» кыһыл сулус туттарыллыбыт^[2].

1967—1971 сылларга Саха АССР Үрдүкү Сэбиэтин VII ыҥырыытын дьокутаата^[1].

1967-72 сылларга Тыа хаһаайыстыбатын Министиэристибэтин сири оҥоруу салаатынан салайбыт, 1972-76 сылларга «Сортосемовощ» бэлэмниир пуун сэбиэдиссэйинэн үлэлээбит.

1976-79 сылларга НТИ ЯНИИСХ отделын старшай агронома.

Балаҕан ыйын 4 күнүгэр 1991 сыллаахха өлбүт^[2].

• Социалистыы Үлэ Дьоруойа (30.4.1966);
• РСФСР үтүөлээх агронома (16.6.1962);
• Саха АССР үтүөлээх агронома^[1].

• 2021 сыллаахха «100 ааттаммыт алмаас - Саха судаарыстыбыннаһын 100 сылыгар» өрөспүүбүлүкэтээҕи бырайыак чэрчитинэн, АЛРОСА хампаанньа хостообут бөдөҥ ювелирнай алмааһыгар Социалистыы Үлэ Дьоруойа Матрена Матвеевна Корнилова аата иҥэриллибит^[3].