Нуучча тылынанАнал бырайыактар
Тылы уларыт
УРУБИИКИ ТУҺУНАН

Иванов Павел Владимирович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Иванов.

Павел Владимирович Иванов (төр. 1976 сыл ахсынньы 26 күнэ) — Арассыыйа судаарыстыбаннай диэйэтэлэ. Саха Өрөспүүбүлүкэтин Үп-мал уонна сир сыһыаннаһыыларыгар миниистирэ (2020—2023).

Олоҕун олуктара

Павел Иванов 1976 сыллаахха ахсынньы 26 күнүгэр төрөөбүт.

1993—1998 сыллардаахха М. К. Аммосов аатынан Саха судаарыстыбаннай университетыгар «юриспруденция» идэтигэр үөрэммитэ.

1999 сылтан 2000 сылга диэри Арассыыйа Федерациятын Сэбилэниилээх күүстэригэр байыаннай сулууспаны ааспыта, старшай сержант сыбаанньалаах.

2000—2002 сыллардаахха Саха Өрөспүүбүлүкэтин Норуоттар дьыалаларыгар уонна федеративнай сыһыаннаһыыларга министиэристибэтин бастыҥ испэсэлииһинэн үлэлээбитэ.

2002 сылтан 2012 сылга диэри Саха Өрөспүүбүлүкэтин Ил Түмэнин судаарыстыбаннай-быраап салайыытын кылаабынай испэсэлииһин уонна старшай референин дуоһунастарыгар үлэлээбитэ.

2005—2008 сыллардаахха Уһук Илиннээҕи судаарыстыбаннай сулууспа академиятыгар (нууч.) (сах. «судаарыстыбаннай уонна муниципальнай салайыы» идэтигэр үөрэммитэ.

2012—2018 сыллардаахха Дьокуускай куорат уокуруктааҕы дьаһалтатын быраап департаменын салайааччыта.

2018 сылга Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын Дьаһалтатын судаарыстыбаннай-быраап боппуруостарга департаменын салайааччытын эбээһинэһин толорбута. 2018 сылтан Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын Дьаһалтатын Салайааччытын бастакы солбуйааччыта[1].

2020 сылтан 2023 сылга диэри Саха Өрөспүүбүлүкэтин Үп-мал уонна сир сыһыаннаһыыларыгар миниистирэ.

2023 сылтан Саха Өрөспүүбүлүкэтин Юстицияҕа судаарыстыбаннай кэмитиэтин бэрэссэдээтэлэ[2].

Дьиэ кэргэнэ

Кэргэннээх. Кыыс оҕолоох[1].

Наҕараадалара

  • «Саха Өрөспүүбүлүкэтин муниципальнай сулууспатын туйгуна» бочуоттаах аат;
  • «Дьокуускай куорат» куораттааҕы уокурук баһылыгын бочуоттаах грамотата;
  • Дьокуускайдааҕы Дуума социальнай бэлитиикэҕэ уонна үлэҕэ кэмитиэтин бочуоттаах грамотата;
  • «2015 сыллаахха Саха Өрөспүүбүлүкэтин сыл юриһа» аат;
  • «Саха Өрөспүүбүлүкэтин үөрэҕириитин систиэмэтин туйгуна» түөскэ кэтэр бэлиэ;
  • Саха Өрөспүүбүлүкэтин Норуоттарын дьыалаларыгар уонна федеративнай сыһыаннаһыыларга министиэристибэтин махтала;
  • Саха Өрөспүүбүлүкэтин Бырабыыталыстыбатын Махтала[1].

Быһаарыылар

  1. ↑ 1 2 3 Иванов Павел Владимирович, первый заместитель Руководителя Администрации Главы Республики Саха (Якутия) и Правительства Республики Саха (Якутия). https://agip.old.sakha.gov.ru. Администрация Главы Республики Саха (Якутия) и Правительства Республики Саха (Якутия). Сигэнии күнэ: 10 Кулун тутар 2026.
  2. ↑ В Якутии утвердили новый состав Правительства республики. https://gtrksakha.ru (4 Алтынньы 2023). Сигэнии күнэ: 10 Кулун тутар 2026.

Категориялар