Емельянов Вячеслав Павлович
Вячеслав Павлович Емельянов (төр. 1984 сыл муус устар 5 күнэ, Бороҕон, Саха АССР) — Арассыыйа судаарыстыбаннай диэйэтэлэ. Саха Өрөспүүбүлүкэтин ОДьКХ уонна энергетика миниистирэ (2021 сылтан).
Олоҕун олуктара
Вячеслав Емельянов 1984 сыллаахха муус устар 5 күнүгэр Уус Улдан улууһун Бороҕон сэлиэнньэтигэр төрөөбүт[1].
Үөрэҕэ
2006 сыллаахха Иркутскайдааҕы судаарыстыбаннай техническай университеты бүтэрбитэ.
2015 сыллаахха РФ Бэрэсидьиэнин иһинээҕи РАНХиГС-ы «судаарыстыбаннай уонна муниципальнай салайыы» идэтинэн бүтэрбитэ.
Үлэтэ
2004 с. — «Якутскэнерго» АК Дьокуускайдааҕы ТЭЦ котёл массыынатын үөрэнээччитэ. Иркутскай куорат дьаһалтатын «Спецавтотранс» МУП 2-с разрядтаах тиэргэн хомуйааччыта.
2006 с. — «Якутскэнерго» АК Дьокуускайдааҕы ТЭЦ производственнай-техническай салаатын инженера.
2006 сылтан 2009 сылга диэри «Якутскэнерго» Ак «Теплоэнергосервис» ОП оҥорон производственнай-техническай салаатын 2-с категориялаах инженера, 2009 сылтан 2011 сылга диэри 1-кы категориялаах инженера.
2011 сыллаахха «Сахаэнерго» ААУо дизельнай тэриллэри уонна ититии ситимин өрөмүөннээһиҥҥэ уонна туһаныыга Салайыытын баһылыыр инженера, котельнай тэриллэри уонна ититии ситимин өрөмүөннээһиҥҥэ уонна туһаныыга Салайыытын баһылыыр инженера. 2011 сылтан 2012 сылга диэри котельнай тэриллэри уонна ититии ситимин өрөмүөннээһиҥҥэ уонна туһаныыга Салайыытын тутаах специалиһа.
2012—2014 сс. — Саха Өрөспүүбүлүкэтин Олох-дьаһах коммунальнай хаһаайыстыбатын уонна энергетикатын министиэристибэтин Энергетикаҕа департаменын салайааччытын солбуйааччы.
2014—2017 сс. — Саха Өрөспүүбүлүкэтин Олох-дьаһах коммунальнай хаһаайыстыбатын уонна энергетикатын министиэристибэтин Энергетикаҕа уонна энергияны кэмчилээһиҥҥэ департаменын салайааччыта.
2017—2018 сс. — Саха Өрөспүүбүлүкэтин Ил Дарханын уонна Бырабыыталыстыбатын Дьаһалтатын, Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччытын Секретариатын салайааччыта.
2018—2021 сс. — Саха Өрөспүүбүлүкэтин Олох-дьаһай коммунальнай хаһаайыстыбатын уонна энергетикатын министиэристибэтин миниистирин бастакы солбуйааччыта[2].
2021 сыл кулун тутарыттан Вячеслав Емельянов Саха Өрөспүүбүлүкэтин олох-дьаһах коммунальнай хаһаайыстыбатын уонна энергетикатын миниистирин дуоһунаһыгар үлэлиир[3].