Дьячковскай Михаил Васильевич-Көлбө
Михаил Васильевич Дьячковскай — Көлбө (1950 сыл тохсунньу 1 күнэ, Болугур нэһилиэгэ, Саха АССР) — саха сэбиэскэй, Арассыыйа бэйиэтэ, сэһэнньит, тылбаасчыт. Нуучча тылынан суруйар.
Олоҕун олуктара
1950 сыллаахха тохсунньу 1 күнүгэр Амма улууһун Болугур нэһилиэгэр төрөөбүтэ.
1972 сыллаахха Амма сэлиэнньэтигэр оробуочай ыччат оскуолатын бүтэрбитэ. 1984 сыллаахха МГУ журналистика факультетын литература эрэдээктэрин идэтинэн үөрэнэн бүтэрбитэ[1].
Амма улууһун хаһыатыгар уонна «Эдэр коммунист» өрөспүүбүлүкэтээҕи хаһыакка кэрэспэдьиэнинэн үлэлээбитэ. Москваҕа үөрэнэр кэмигэр уонна онтон кэлиҥҥи сылларга ЗИЛ массыына собуотугар, «Труд» хаһыат эрэдээксийэтигэр үлэлээбитэ. ВГИК-ка саха устудьуоннарыгар саха литературатын үөрэппитэ. Дьокуускайдааҕы Гостелерадио литературнай-драматическай биэриилэрин үрдүкү эрэдээктэринэн, «Чолбон» сурунаал проза салаатын эрэдээктэринэн уонна «Бичик» Национальнай кинигэ кыһатын эрэдээктэринэн үлэлээбитэ[2].
Айар үлэтэ
Бастакы хоһооннорун 1972 сыллаахха бэчээттэппитэ. «Охоноон» диэн бастакы сэһэнэ «Чолбон» сурунаалга 1989 сыллаахха тахсыбыта[1].
Өрөспүүбүлүкэтээҕи хаһыаттарга уонна сурунаалларга, ону таһынан киин таһаарыыларга — «Неделя», «Литературная учёба» уо.д.а. бэчээттэммитэ. «Яблоки Москвы» уонна «Ийэ кэһиитэ» кэпсээннэрэ бүтүн Арассыыйатааҕы хаһыаттарга уонна сурунаалларга тахсыбыттара[1].
«Марфино поле» эпическэй бэйиэмэтигэр саха норуотун олоҕо-дьаһаҕа, сиэрэ-майгыта уонна үгэстэрэ көстөллөр; олох сыаннастарын, норуот муудараһын уонна история өйдөбүлүн харыстааһын тиэмэлэрэ көтөҕүллэллэр[2].
Саргылаана Гольдерова - Саргы Куо "Соломо сэлээппэ" уонна "Халлаан Уола Хаардаах Мохсоҕол" диэн бэйиэмэлэрин тылбаастаабыта 2023 сыллаахха тахсыбыт "Благословение Иэйиэхсит" диэн кинигэтигэр киирбитэ[3].
Айымньылара
- Яблоки Москвы. Материнский керчэх: Рассказы. М., 1980.
- Марфино поле: Эпическая поэма. - Якутск, 1991.
- Юные герои: Очерки. - Якутск, 1989.