Готовцева Лина Митрофановна
Готовцева Лина Митрофановна (төр. 1960 сыл тохсунньу 11 күнэ, Таатта улууһа, Саха АССР) — сомоҕо домохтору үөрэтэр саха лингвист учуонайа, тыл үөрэҕин билимнэрин хандьыдаата.
Олоҕун олуктара
Лина Готовцева 1960 сыллаахха тохсунньу 11 күнүгэр Саха АССР Алексеевскай оройуонугар (билигин Таатта улууһа) төрөөбүт.
1982 с. — Саха судаарыстыбаннай университетын бүтэрбит.
1982—1983 сс. — Саха судаарыстыбаннай университетын ньиэмэс омук тылларын факультетын ньиэмэс филологиятын кафедратын ассистена.
1983—1985 сс. — ССРС НА СС Дьокуускайдааҕы филиалын ТЛИ Институтын лексикология уонна лексиграфия салаатыгар стажер-исследователь.
1985—1988 сс. — ССРС НА СС Дьокуускайдааҕы филиалын аспирана.
1989—1990 сс. — ССРС НА СС Дьокуускайдааҕы филиалын лексикология уонна лексикография салаатын старшай лаборана.
1990—1994 сс. — младшай научнай үлэһит.
1994 с. — тыл үөрэҕин билимнэрин хандьыдаатыгар «Фразеологические единицы с соматическим компонентом языка саха как объект сопоставительного изучения» тиэмэҕэ диссертациятын ситиһиилээхтик көмүскээбит.
1995—1996 сс. — научнай үлэһит.
1996—2000 сс. — РФ Ис уорганнарын Министиэристибэтин иһинэн юридическай Институт Дьокуускайдааҕы филиалын омук тылыгар кафедратын сэбиэдиссэйэ.
2001—2003 сс. — Саха Сирин НА гуманитарнай чинчийии Институтын аныгы тыллар процесстарын үөрэтии Киинин салайааччыта.
2004—2008 сс. — ведущай научнай үлэһит.
2008 сылтан старшай научнай үлэһит.
Л. М. Готовцева саха тылын лексикологиягытыгар, лексикографиятыгар, фразеологиятыгар идэтийэр специалист.
100 тахса билим ыстатыйа ааптара. «Саха тылын быһаарыылаах улахан тылдьыта» Т. 4 (К буукуба), «Саха тылын быһаарыылаах улахан тылдьыта» Т. 10 (Т буукуба) хос ааптара[1].
Сүрүн үлэлэрэ
- «Якутско-русский тематико-идеографический словарь фразеологизмов» — 2004 г.
- «Структурно-семантические особенности субстантивных, адъективных, адвербиальных фразеологических единиц якутского языка» −2009 г.
- «Из истории изучения соматических фразеологизмов языка саха» (Сб.: Актуальные проблемы в исследовании германских языков (когнитивный аспект изучения лексикона. — М., 2001).
- «Фразообразовательная активность компонентов-соматизмов» (Сб.: Современные языковые процессы в Республике Саха (Якутия). — Новосибирск, 2003).
Наҕараадалара
- РАН Сибиирдээҕи салаатын үтүөлээх бэтэрээнэ (2008 сыл)[1];
- Саха Өрөспүүбүлүкэтин Бырабыыталыстыбатын махтала — «Өрөспүүбүлүкэ социальнай-экэнэмиичэскэй сайдыытыгар кылаатын уонна суобастаах үлэтин иһин» (2020 сыл).