Айталын (Герасимов Николай Афанасьевич)
Николай Афанасьевич Герасимов — Айталын (1939 сыл балаҕан ыйын 17 күнэ, Боотулуу, Саха АССР — 1996 сыл балаҕан ыйын 26 күнэ) — саха сэбиэскэй, Арассыыйа суруйааччыта, бэйиэт, суруналыыс уонна публицист. Саха Өрөспүүбүлүкэтин култууратын үтүөлээх үлэһитэ.
Олоҕун олуктара
1939 сыллаахха балаҕан ыйын 17 күнүгэр Үөһээ Бүлүү улууһун I Боотулуу нэһилиэгэр холкуостаах дьиэ кэргэнигэр төрөөбүтэ. Саха судаарыстыбаннай университетыгар үөрэммитэ.
Үөһээ Бүлүүтээҕи хомсомуол райкомун бастакы сэкирэтээринэн үлэлээбитэ. Кэлин Хабаровскайдааҕы Үрдүкү партийнай оскуоланы бүтэрэн, суруналыыс идэтин ылбыта.
1972—1983 сс. «Эдэр коммунист» хаһыат эрэдээктэринэн, 1984—1987 сс. — Дьокуускайдааҕы кинигэ кыһатын кылаабынай эрэдээктэринэн, оттон 1989—1991 сс. «Кыым» хаһыат эрэдээктэрин солбуйааччытынан үлэлээбитэ.
Олоҕун тиһэх сылларыгар «Чуораанчык» сурунаал кылаабынай эрэдээктэрэ этэ.
1996 сыллаахха балаҕан ыйын 26 күнүгэр олохтон туораабыта[1][2][3].
Айар үлэтэ
Айымньылара 1957 сылтан саҕалаан бэчээттэммиттэрэ. 1979 сыллаахха «Доҕорбор сурук» диэн хоһооннорун бастакы хомуурунньуга тахсыбыта. Айталын поэзиятыгар сонет, танка, газель, рубаи, дистих курдук классическай формалар улахан миэстэни ылаллар. Бэйиэт лиро-эпическэй хайысхаҕа эмиэ үлэлээбитэ. Прозаик быһыытынан кини сэрии кэминээҕи уонна сэрии кэннинээҕи саха дэриэбинэтин дьонун дьылҕатын көрдөрөр «Көрсүөххэ диэри» сэһэнинэн биллэр[1][2].
Библиографията
- Доҕорбор сурук: хоһооннор. — Дьокуускай: Кинигэ изд-вота, 1979. — 60 с.
- Сүрэх этэринэн. — Дьокуускай: Кинигэ изд-вота, 1982. — 112 с.
- Ийэ кутум: хоһооннор. — Дьокуускай: Кинигэ изд-вота, 1984. — 92 с.
- Көрсүөххэ диэри: сэһэн. — Дьокуускай: Кинигэ изд-вота, 1985. — 318 с.
- Дабааннар: хоһоонунан сэһэн.-Дьокускай: Бичик,1993. — 144 с.
- Дьонум эрэ буолларгыт: хоһооннор. — Дьокуускай: Бичик, 1997. — 96 с.
- Завтрашний день принадлежит тебе : повесть : [для детей / ил.: П. Пинкисевич]. — М. : Мол.гвардия, 1966. — 207 с.