Турантаев Геннадий Николаевич

1981 сыллаахха кулун тутар 19 күнүгэр Чурапчы улууһун Одьулуун сэлиэнньэтигэр төрөөбүт.

1998—2002 сс. Арассыыйа Судаарыстыбаннай академическай Кыра тыйаатырын иһинэн М. С. Щепкин аатынан Үрдүкү Москубатааҕы тыйаатыр училищетын саха устуудьуйатын бэһис хомуурун иһинэн «драма тыйаатырын уонна киинэ артыыһа» идэҕэ үөрэммит^[1].

2002 сылтан Саха тыйаатырыгар артыыһынан үлэтин саҕалаабыт^[2].

Тыйаатырга ооонньуур сүрүн оруоллара:

• Сахаарап атыыһыт — В. Харысхал «Эргиллиэм хайаан да…»,
• Соломуон Муударай — В. Протодьяконов, А. Борисов «Кэриэһим, кэннибэр хааларым»,
• Халамас — Э. Ионеско «Макбет», Лоренцо — У.Шекспир «Биирдэ куоракка»,
• Сиги Кутук — Н. Лугинов «Чыҥыс Хаан ыйааҕынан»,
• Бэрт Хара — И. Гоголев «Дыгын Дархан»,
• Куруйуон — Софокл «Антигуона»,
• Топпот — А. Дойду «Мэҥэ халлаан оҕото Манчаары Баһылай»,
• Маарсый — У. Шекспир «Тиит»,
• Ыналба Уйбаан — П. Ойуунускай «Оҕоҕо баҕарбыт»,
• Батыев — Д. Наумов «Бүгүн эбэтэр хаһан да»,
• Панда — И. Бергман «Альберти циркэтэ»,
• Земляника — Н. Гоголь «Ревизор»,
• Маркани — П. Ламутскай «Сир иччитэ»,
• Чоочо — В. Никифоров «Манчаары»,
• Чубуков — А. Чехов «Ойох кэпсэтии»,
• Эйлиф — Б. Брехт «Мамаша Кураж уонна кини оҕолоро»,
• Төҥүргэс Бөҕө — П. Ойуунускай «Кээрэкээн»,
• Мадам Паче — Л. Пиранделло «Театрга буолбут түбэлтэ…»,
• Фальстаф — У. Шекспир «Фальстаф»,
• Лаэрт — У. Шекспир «Мин доҕорум Гамлет»,
• Сэргэ Тимиирэп — М. Горькай «Тимир Баасса» уо.д.а.

Атын тыйаатырга оруоллара:

• Мыымах — В. Федоров «Апостол Государев» (А. С. Пушкин аатынан Нуучча тыйаатыра),
• Омоҕой баай уола — А. Сарын «Эллэй Боотур» (Олоҥхо тыйаатыра).

Россия киинэтигэр оруоллара

• саха — «Река», режиссер А. Балабанов,
• боотур — «Чыҥыс Хаан кистэлэҥэ», режиссер А. Борисов,
• атыыһыт — «Орда», режиссер А. Прошкин,
• Дед Мороз — «Елки-6», режиссер Ж. Крыжовников^[3].

Саха киинэтигэр оруоллара: Оотой — «Тыын», режиссер С. Потапов, Прораб, оҕонньор — «Кэскил», режиссердар Д. Шадрин, А. Егоров, Гоша — «Ньургуһуннар», режиссер С. Потапов, таксист — «Мой убийца», режиссер К. Марсан, Абааһы, Алаа Моҕус — «Бэйбэрикээн», режиссер К. Тимофеев уо.д.а.

• VII Чебоксарытааҕы норуоттар икки ардыларынааҕы киинэ бэстибээлин бастыҥ артыыс үлэтин иһин бириис (Сергей Потапов «Ньургуһун» киинэтигэр, 2014)^[4];
• Саха Өрөспүүбүлүкэтин үтүөлээх артыыһа (2021)^[5].

Оҕунан ытыыга успуорт хандьыдаата^[6].