Габышев Лев Михайлович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Габышев.

Габышев Лев Михайлович (01.04.1923—25.11.1975) — саха живописеһа, Саха АССР искусствотын үтүөлээх диэйэтэлэ.

Олоҕун олуктара

1923 с. муус устар 1 күнүгэр Дьокуускайга төрөөбүтэ.

1939—1941 сс. Москуба уус-уран училищетыгар В. Н. Бакшеевка уонна П. И. Петровичевка үөрэммитэ.
1944—1947 сс. Москубатааҕы судаарыстыбаннай уус-уран институт живописнай салаатыгар үөрэммитэ^[1].

Айар үлэтэ

Айар үлэтин сүнньэ — пейзаж. Холобур, «Өлүөнэ дуола» (1947) хартыынатыгар күһүҥҥү ыраас салгын, өрүс ньуура көстөллөр.

1952 сыллаахтан Лев Габышев Саха Сиринээҕи уус-уран искусство түмэлин салайбыта. Аҕата профессор М. Ф. Габышев мунньубут Арҕаа Европа маастардарын айымньыларын кэлиэксийэтин Саха Сиригэр бэлэхтээн хаалларбыт сүдү өҥөлөөх.

1975 с. сэтинньи 25 күнүгэр өлбүтэ. Москубаҕа көмүллүбутэ.

Быһаарыылар

↑ Национальный художественный музей Республики Саха (Якутия). Г. Сафронова уонна атыттар, Дьокуускай, Сахаполиграфиздат, 2001

[1] Национальный художественный музей Республики Саха (Якутия). Г. Сафронова уонна атыттар, Дьокуускай, Сахаполиграфиздат, 2001

[1]