Нуучча тылынанАнал бырайыактар
Тылы уларыт
УРУБИИКИ ТУҺУНАН

Восток Инжиниринг

Восток Инжиниринг — сэдэх металлар баайынан аан дойдуга биир саамай улахан Томторскай сир баайын сайыннарар лицензиялаах Арассыыйа хампаанньата[1]. «Восток Инжиниринг» 2025 сыл ыам ыйын 20 күнүттэн «Роснефть» бас билиитигэр киирбит[2].

Устуоруйа

ХЭУо «Восток Инжиниринг» диэн тэрилтэ Саха сиригэр 2013 сыл от ыйын 12 күнүгэр бэлиэтэммитэ. Олохтооччунан «ТриАрк Майнинг» хампаанньа этэ[3].

«ТриАрк Майнинг» — бу «Ростех» уонна Александр Несис ИСТ бөлөҕүн холбоһуктаах тэрилтэтэ. 2014 сыл ыам ыйыгар Саха сиригэр баар Томтор «Бураннай» учаастагын арыйарга күрэххэ кыайбыта. Томтор Арассыыйа сэриигэ туттуллар металлары, төлөпүөннэри уонна электромобиллары оҥорорго анаан оҥорон таһаарыытын улаатыннарар былааннарыгар сүрүн бырайыак буолар[4]. «ТриАрк Майнинг» дочернэй тэрилтэтэ «Восток Инжиниринг» ниобий (нууч.) (сах., сиртэн дэнҥэ көстөр металларын (нууч.) (сах., скандий уонна аргыс компоненнарын чинчийэргэ уонна хостуурга быраабы ылбыта[5]. Бу быраап Арассыыйа Бырабыыталыстыбатын 2014 сыл от ыйын 3 күнүнээҕи уурааҕынан бигэргэммитэ[6].

2020 сыл кулун тутарыгар Polymetal «ТриАрк Майнинг» 9,1 % акциятын 20 мөлүйүөн дуолларга атыыласпыта. Киирбит үбү-харчыны хампаанньа бырайыагы оҥорууга, ол иһигэр Томтору сайыннарыыга эрдэттэн технико-экэниэмикэ чинчийиини түмүктээһиҥҥэ уонна руда баайын уонна сир минерал бастакы сыаналааһыныгар туһаныахтаах этиллэр. Итини тэҥэ, Томтор баайын хостооһун 2026—2027 сылларга саҕаланыаҕа диэн сабаҕалааһын баара[7]. Ол эрээри Томтор хостооһуна хаһан да саҕаламматаҕа.

2024 сыл сэтинньи 20 күнүгэр Владимир Путин уонна бырабыыталыстыба бэрэссэдээтэлин бастакы солбуйааччы Денис Мантуров көрсүһүүлэригэр сир дьылҕатын ырыппыттара. Онтон Арассыыйа бэрэсидьиэнэ маннык эппитэ:

Ол «ыйана турар». Онтон элбэх сыл анараа өттүгэр бу сирдэри ылбыт бизнес-структуралар үп-харчы киллэрбэттэр. Кинилэри кытта хайдах эрэ кэпсэтэн бу боппуруоһу быһаарыахпытын наада: эбэтэр инвестициялыыллар, эбэтэр атын хампаанньалары кытта, судаарыстыбаны кытта хайдах эрэ сыһыаны олохтуохтаахтар. Бу судаарыстыбаҕа билигин наадалаах стратегическай суолталаах ресурс. Хампаанньаттан хампаанньаҕа инвестиция былааннара араас буолалларын өйдүүбүн. Чэ, биирдэ ылбыппыт, туох эрэ табыллыбат — буолар буо. Ити судаарыстыбаҕа да, чааһынай хампаанньаларга да буолар. Дьону кытта үлэлиэххин эрэ наада, бүттэ[8].

«Роснефть» бу эйгэҕэ интэриэһин туһунан СМИ 2024 сыл сэтинньитигэр биир кэмҥэ билиллибитэ[1].

2025 сыл ыам ыйын 20 күнүттэн ЕГРЮЛ (нууч.) (сах. дааннайынан «Томтор» оператор «Восток Инжиниринг» соҕотох бас билээччитэ «Роснефть» буолбута[2].

Салайыы

СМИ иһитиннэрбитинэн, «Роснефть» хампаанньа ылыан иннинэ, «Восток Инжиниринг» хампаанньаны ИСТ бөлөх салайааччылара Владислав Резин уонна Алексей Алешин хонтуруоллууллара[1].

Үп-харчы көрдөрүүлэрэ

Хампаанньа 2024 сылга барыһа 64,59 мөл солкуобай этэ[3].

Быһаарыылар

  1. ↑ 1 2 3 «Роснефть» приобрела лицензию на Томторское месторождение редкоземельных металлов, Коммерсантъ (Ыам ыйын 21 күнэ 2025). Сигэнии күнэ: 19 Атырдьах ыйын 2025.
  2. ↑ 1 2 «Роснефть» стала владельцем месторождения редкоземельных металлов, РБК (21-05-2025). Сигэнии күнэ: 19 Атырдьах ыйын 2025.
  3. ↑ 1 2 ООО Восток Инжиниринг(биллибэт). РБК Компании. Сигэнии күнэ: 19 Атырдьах ыйын 2025.
  4. ↑ «Роснефть» приобрела лицензию на Томторское месторождение редкоземельных металлов(биллибэт). Forbes.ru. Сигэнии күнэ: 19 Атырдьах ыйын 2025.
  5. ↑ Ростех. СП Ростеха и группы ИСТ выиграло аукцион на разработку Томторского месторождения редкоземельных металлов. Сигэнии күнэ: 19 Атырдьах ыйын 2025.
  6. ↑ Правительство Российской Федерации. Распоряжение. Сигэнии күнэ: 19 Атырдьах ыйын 2025.
  7. ↑ Polymetal приобрёл 9,1% в редкоземельном Томторе, Прайм золото — Вестник золотопромышленника (Кулун тутар 19 күнэ 2020). Сигэнии күнэ: 19 Атырдьах ыйын 2025.
  8. ↑ Встреча с Первым заместителем Председателя Правительства Денисом Мантуровым, Президент России. Сигэнии күнэ: 19 Атырдьах ыйын 2025.

Категориялар