Нуучча тылынанАнал бырайыактар
Тылы уларыт
УРУБИИКИ ТУҺУНАН

Волкова Елена Александровна

Волкова Елена Александровна (1977 сыл атырдьах ыйын 15 күнэ, Дьокуускай) — Арассыыйа судаарыстыбаннай диэйэтэлэ, 2018 сылтан Саха Өрөспүүбүлүкэтин үлэҕэ уонна социальнай сайдыыга миниистирэ[1][2].

Олоҕун олуктара

1977 сыллаахха атырдьах ыйын 15 күнүгэр Дьокуускай куоракка төрөөбүт[2].

Дьокуускай 24 №-дээх орто оскуолатын гуманитарнай кылааһыгар үөрэммит.

Улахан кылаастарга суруналыыс Людмила Левина салайааччылаах суруналыыстыка факультативыгар дьарыктаммыт, суруйбут матырыйааллара «Эхо недели» хаһыакка бэчээттэнэллэр эбит.

Оскуола кэнниттэн суруналыыс буоларга былааннаммыт да, аҕатын сүбэтинэн экономика хайысхатын талбыт[3].

Үөрэҕэ

1999 сыллаахха М. К. Аммосов аатынан Саха судаарыстыбыннай университетын (билиҥҥитэ М. К. Аммосов аатынан ХИФУ) Үп-экономика институтун «Менеджмент» хайысхатынан «Үбү салайыы» идэлээх бүтэрбит.

2016 сыллаахха Арассыыйа Федерациятын бэрэсидьиэнин иһинээҕи норуот хаһаайыстыбатын уонна судаарыстыбаннай сулууспа Арассыыйатааҕы академиятын (нууч.) (сах. (РАНХиГС) «Судаарыстыбыннай уонна муниципальнай социальнай политика» хайысхатынан бүтэрбит[1].

Үлэтэ

1995 сыллаахха, өссө устудьуоннуу сылдьан, Дьокуускайдааҕы клинико-диагностическай кииҥҥэ аптека санитаркатынан үлэлээбит[1].

СӨ экономикатын Министиэристибэтигэр

1999 сылтан 2002 сылга диэри СӨ экономикатын уонна билгэлээһин Министиэристибэтин социальнай политикаҕа уонна экономикаҕа дьаһалтатын сүрүннүүр үлэһитинэн үлэлээбит.

2002—2003 сс. — СӨ экономикатын сайдыытын Министиэристибэтин социальнай политика уонна экономика департаменын сүрүннүүр үлэһитэ.

2003 сылтан 2008 сылга диэри СӨ Бэрэсидьиэнин иһинэн Сүрүн хонтуруоллуур дьаһалтаҕа үлэлээбит, онно сүрүннүүр үлэһиттэн саҕалаан тус сыаллаах бырагыраамалар толоруллууларын хонтуруоллуур салаа салайааччытын солбуйааччытын, информационнай-аналитическай салаа салайааччытын дуоһунастарыгар тиийэ үлэлээбит.

2008—2009 сс. — СӨ экономикатын сайдыытын Министиэристибэтин макроэкономическай сабаҕалааһын уонна региоҥҥа экономика политикатын департаменын салайааччыта.

2009—2011 сс. — СӨ экономикаҕа сайдыытын миниистирин солбуйааччытынан үлэлээбит[1][2].

Социальнай эйгэҕэ көһүү

2011 сылтан 2014 сылга диэри СӨ үлэҕэ уонна социальнай сайдыыга миниистирин бастакы солбуйааччытынан үлэлээбит.

2014—2016 сс. — СӨ Баһылыгын уонна СӨ Бырабыыталыстыбатын Дьаһалтатын социальнай сайдыыга департаменын салайааччыта.

2016 сылтан — СӨ Баһылыгын уонна Бырабыыталыстыбатын Дьаһалтатыгар Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччытын секретариатын салайааччыта.

2017 сыллаахха от ыйын 7 күнүгэр Саха Өрөспүүбүлүкэтин үлэҕэ уонна социальнай сайдыыга миниистирин бастакы солбуйааччытынан анаммыт[1][2].

СӨ үлэҕэ уонна социальнай сайдыыга миниистирэ

Саха Өрөспүүбүлүкэтин Баһылыгын 2018 сыл алтынньы 2 күнүнээҕи 30 №-дээх Ыйааҕынан Саха Өрөспүүбүлүкэтин үлэҕэ уонна социальнай сайдыыга миниистиринэн анаммыт[2].

2023 сыл алтынньытыгар Саха Өрөспүүбүлүкэтин Баһылыгын ыйааҕынан бу солоҕо хос бигэргэммит[4].

Миниистир быһыытынан биэдэмистибэ үлэтин биир салайааччы принцибинэн салайар, миниистир солбуйааччыларын, департаменнар, дьаһалталар, салаалар, территориальнай органнар уонна тэрилтэлэр салайааччыларын үлэлэрин хонтуруоллуур.

Ону тэҥэ, болҕомтотун бу хайысхаларга сүрүннээн уурар:

  • Бюджет үлэһиттэрин хамнастарын үрдэтии;
  • Дьиэ кэргэн инициативаларын өйөөһүн — бэйэни үлэнэн хааччыйыы чэрчитинэн бэйэлэрин дьыалаларын тэрийэр былааннаах кыра дохуоттаах ыаллары өйүүр механизм олоххо киириитин ситиспит;
  • Үлэһиттэр өҥөлөрүн билинии:
    • 2023 сылтан Саха Өрөспүүбүлүкэтин Баһылыгын «Үлэ Киһитэ» бириэмийэтэ бэриллэрин хонтуруоллуур. Сыл аайы 50 бастыҥ үлэһит 300 000 солк. харчынан бириэмийэ ылар;
    • 2024 сыллаахха «Саха Өрөспүүбүлүкэтин Бочуоттаах уһуйааччыта» судаарыстыбаннай бэлиэ олохтонорун ситиспит. Сыл аайы наҕарааданан 10 киһи бэлиэтэнэр. Кандидатуралары үлэ коллективтара туруораллар;
    • Үлэ династияларын өйөөһүн — Өрөспүүбүлүкэҕэ «Үлэ династиялара» бырайыак салҕанарын көҕүлүүр;
  • Үлэ, сэрии уонна тыыл бэтэрээннэрин өйүүр дьаһаллар[5].

Тус олоҕо

Араас идэлээх дьахталлар уобарастарын ойуулуур статуэткалары уонна куукулалары мунньар. Кэллиэксийэтигэр 70-ча тахса экспонат баар.

Кэргэннээх, элбэх оҕолоох ыал ийэтэ[3].

Быһаарыылар

  1. ↑ 1 2 3 4 5 Волкова Елена Александровна (рус.). Министерство труда и социального развития Республики Саха (Якутия). Сигэнии күнэ: 10 Кулун тутар 2026.
  2. ↑ 1 2 3 4 5 Елена Волкова назначена министром труда и социального развития Якутии (рус.). Сигэнии күнэ: 10 Кулун тутар 2026.
  3. ↑ 1 2 Один день с министром: Елена Волкова о работе, семье, увлечениях (рус.). VK. Сигэнии күнэ: 10 Кулун тутар 2026.
  4. ↑ Новая структура и обновленный состав правительства Якутии (рус.). ЯСИА (4 Алтынньы 2023). Сигэнии күнэ: 10 Кулун тутар 2026.
  5. ↑ Елена Волкова рассказала о кадрах, наставничестве, льготах (рус.). Якутия дэйли (14 Олунньу 2025). Сигэнии күнэ: 10 Кулун тутар 2026.

Категориялар