Нуучча тылынанАнал бырайыактар
Тылы уларыт
УРУБИИКИ ТУҺУНАН

Васильева Анна Михайловна

УРУБИИКИ иһигэр маннык араспаанньалаах дьон туһунан ыстатыйалар бааллар, көр Васильева.

Васильева Анна Михайловна (1916 сыл ахсынньы 14 күнэ, Бөтүҥ нэһилиэгэ — 1992, Бөтүҥ, Саха сирэ) — Амма улууһун үлэһиттэр депутаттарын оройуоннааҕы Сэбиэтин исполкомун бэрэссэдээтэлэ, Социалистическай Үлэ Геройа, Саха ССР Үрдүкү Сэбиэтин дьокутаата.

Олоҕун олуктара

1916 сыллаахха ахсынньы 14 күнүгэр Амма оройуонугар Ураанай нэһилиэгэр[1] төрөөбүт.

Начальнай оскуола түөрт кылааһын бүтэрэн баран счетчик-суруксутунан, олохтоох колхозка ынах сүөһү ферматын сэбиэдиссэйинэн үлэлээбит.

1917 сыллаахха Ванифадий Васильевка кэргэн тахсыбыт.

1945 сыллаахха Бөтүҥ сельсовет исполкомун бэрэссэдээтэлинэн талыллыбыт. Ити дуоһунаһыгар 32 сыл, 1977 сылга дылы, үлэлээбит.

Бу сылларга Бөтүҥҥэ тыа хаһаайыстыбатын сайыннарбыт, араас социальнай-культурнай объектары туттарбыт: саҥа оскуола, култуура дьиэтэ, 220 олорор дьиэ, атын хаһаайыстыбаннай уонна производственнай объектар.

ССКП обкомун чилиэнинэн иккитэ талыллан үлэлээбит. Саха АССР Үрдүкү Сүбэтин депутатынан талылла сылдьыбыт.

ССРС Үрдүкү Сүбэтин Президиумун 1971 сыл муус устар 8 күнүнээҕи Ыйааҕынан Васильева Анна Михайловнаҕа Социалистическай Үлэ Геройун аата иҥэриллибитэ.

Дьонугар-сэргэтигэр Сэбиэт Аана диэн аатынан биллэр эбит.

1977 сыллаахха пенсияҕа тахсыбыт. Олохтон 1992 сыллаахха туоруор дылы Бөтүҥҥэ олорбут[2][3].

Наҕараадалара уонна ытык ааттара

  • Социалистическай Үлэ Герой (1971);
  • Ленин уордьана (1971);
  • «Аҕа дойду сэриитигэр 1941—1945 сс. килбиэннээх үлэ иһин» мэтээл (1946);
  • Саха АССР норуотун хаһаайыстыбатын үтүөлээх үлэһитэ (1976);
  • Амма улууһун уонна Саха Өрөспүүбүлүкэтин ытык киһитэ[4].

Аатын үйэтитии

  • Кини аатынан Бөтүҥ нэһилиэгэр уулусса ааттаммыт;
  • Бөтүҥҥэ 2003 сыллаахха Анна Васильеваҕа анаммыт түмэл аһыллыбыт;
  • 2025 с. саҥардыллыбыт музей хас да сыллаах тохтобул кэнниттэн аһыллыбыт[5].

Өссө маны көр

Быһаарыылар

  1. ↑ Билиҥҥи Бөтүҥ нэһилиэгэ, Амма улууһа.
  2. ↑ Васильева А.М. Энциклопедия ЯСИА (рус.). Сигэнии күнэ: 19 Тохсунньу 2026.
  3. ↑ Васильева Анна Михайловна (рус.). Герои страны. Сигэнии күнэ: 19 Тохсунньу 2026.
  4. ↑ Почетные граждане, известные люди (рус.). Сигэнии күнэ: 19 Тохсунньу 2026.
  5. ↑ Акулина Иванова. Бөтүҥҥэ Үлэ Геройун аатынан түмэл сөргүтүллэн аанын саҥаттан арыйда (рус.). Улус Медиа. Сигэнии күнэ: 19 Тохсунньу 2026.

Сигэлэр

  • Герои Социалистического Труда Якутской АССР: биобиблиогр. справ. — Якутск, 1987. — С. 34—35.

Категориялар