Билибин Юрий Александрович
Билибин Юрий Александрович (1901-52), геолог, ССРС Наукаларын Академиятын чилиэн-корреспондена (1946). Металлогенияҕа уонна көмүс үөскээһинигэр үлэлэрдээх. ССРС хотугулуу-илин өттүгэр (Халыма тардыытыгар) көмүстээх сирдэри булуу кыттыылааҕа. ССРС Илин бириэмийэтин 1946 ылбыта.
1927-1928 сс. кыһыныгар Билибин Халымаҕа экспедиция ыытар туһунан элбэх үлэни ыытар. 1928 с. сайыныгар балтараа сыллаах экспедицияны "Союззолото" үбүлээһининэн уонна геология кэмитиэтин сүрүннээһиниэн саҕалыыр. Владивосток куораттан "Дайбоши-мару" диэн эргэ дьоппуон парохуодунан айаннаан билиҥҥи Магадантан 35 км сиргэ Ола диэн балыксыттар бөһүөлэктэригэр бэс ыйын 4 күнүгэр түһэллэр.
Санкт-Петербурга Васильевскай Арыы Большой проспегар, 56 нүөмэрдээх дьиэҕэ 1984 с. өйдөбүнньүк гранит дуоска ыйаабыттара. Онно суруллубут: «Бу дьиэҕэ 1925 сылтан 1949 сыллаахха дылы уһулуччалаах сэбиэскэй геолог, Ил бириэмийэтин лауреаата, ССРС Академияларын чилиэн-корреспондена Юрий Александрович Билибин олорбута».
Наҕараадалара уонна ытык ааттара
- 1946 — I истиэпэннээх Сталин бириэмийэтэ — ССРС хотугулуу-илиҥҥи өттүгэр кыһыл көмүс саҥа сирдэрин арыйан чинчийбитин иһин.
Аатын үйэтитии
- Ю. А. Билибин аатынан Чукоткаҕа Билибино куорат, Магадан уонна Дьокуускай куораттарга уулуссалар, Магадантан хотугулуу-илин сытар сис хайа, Черскэй хайалаах систиэмэтигэр сис, Саха сиригэр хайа маассива, Улахан Анюй өрүс тардыытыгар вулкан, билибинит уонна билибинскит диэн минераллар ааттаммыттара.
- 1968 сыллаахха Билибино куоракка пааматынньык, оттон Магадан куоракка Ю. А. Билибиҥҥэ бүүс туруоруллубута.
- Васильевскай арыы Улахан проспегын 56-с нүөмэрдээх дьиэтигэр 1984 сылга мемориальнай дуоска турбут (архитектор В. Б. Бухаев).