Биир кэлим судаарыстыбаннай эксээмэн
Биир кэлим судаарыстыбаннай эксээмэн (БКСЭ, нууч. Единый государственный экзамен) — орто үөрэх кыһаларыгар — оскуолаларга, лиссиэйдэргэ уонна гимназияларга Арассыыйа Федерациятыгар кииннээн ыытыллар эксээмэн, орто уопсай үөрэхтээһин үөрэх бырагыраамаларыгар Судаарыстыбыннай түмүк аттестациятын ыытыы көрүҥэ[1]. Оскуоланы бүтэрэр эксээмэн уонна үрдүк үөрэх кыһаларыгар киирии эксээмэн быһыытынан үлэлиир. 2013 сылга диэри колледжтарга киирии экзамен быһыытынан эмиэ үлэлээбитэ, ол гынан баран үөрэхтээһин туһунан саҥа сокуонунан суох оҥоһуллубуттара. Бүтүн Арассыыйа үрдүнэн эксээмэни ыытыыга биир көрүҥнээх сорудахтар уонна үлэ хаачыстыбатын сыаналыырга биир кэлим ньымалар туттуллаллар. 2009 сылтан ыла Биир кэлим судаарыстыбаннай эксээмэн оскуолаҕа түмүк эксээмэн соҕотох көрүҥэ уонна үрдүк үөрэх кыһаларыгар киирии эксээмэннэрин сүрүн көрүҥэ буолар, кэлин сылларга Биир кэлим судаарыстыбаннай эксээмэн хаттаан туттарар кыах баар. Биир кэлим судаарыстыбаннай эксээмэн нуучча тылыгар, математикаҕа, омук тылларыгар (ааҥыл, ниэмэс, француз, испаан, кытай), физика, химия, биология, география, литэрэтиирэ, устуоруйа, обществознание, информатика предметтэринэн ыытыллар[2][3][4].
Математика эксээмэнин 2015 сылга базовай уонна профильнай таһымҥа араарбыттара. Математика базовай таһымын туттарыы үрдүк үөрэх кыһаларыгар салгыы үөрэнэр санаата суох выпускниктарга аттестат ыларга эбэтэр киирэр эксээмэннэригэр “Математика” предмет киирбэтэх университеттарга киирэргэ ирдэнэр. Профильнай таһымы туттарыы киирии эксээмэннэригэр “Математика” предметтээх үрдүк үөрэх кыһаларыгар салгыы үөрэнэр баҕалаах выпускниктарга ирдэнэр.
2016 сыл күһүнүгэр Амур оскуолатын үөрэнээччилэрэ кытай тылынан Биир кэлим судаарыстыбаннай эксээмэни туттарбыттара. Арассыыйа Федерациятыгар 2019 сылтан кытай тылыгар биир кэлим судаарыстыбаннай эксээмэн киирдэ.
2024 сыллаахха бэс ыйын 6 күнүгэр ЛДПР, КПРФ уонна СРЗП фракцияларыттан дьокутааттар үгэс буолбут судаарыстыбаннай эксээмэн туһатыгар БКСЭ-ни суох оҥорор туһунан сокуон барылын Думаҕа киллэрбиттэрэ.
БКСЭ бланкалара
- Бэлиэтэһин бланката эксээмэн кыттыылаахтарын бэлиэтииргэ туттуллар.
- 1 №-дээх хоруй бланката А уонна В блоктар сорудахтарыгар хоруйдары киллэрэр.
- С блокка баар сорудахтарга сиһилии хоруйдуурга 2 №-дээх хоруй бланката туттуллар; Миэстэ тиийбэт түгэнигэр эксээмэннээччилэргэ эбии 2 №-дээх хоруй бланката бэриллэр.
Бары БКСЭ бланкалара 210 мм × 305 мм кээмэйдээхтэр[5]:
Сүрүн өттүн таһынан, эксээмэн туттарааччылар кэнники өттүн туһаныахтарын сөп:
Биир кэлим судаарыстыбаннай эксээмэн бары бланкаларын толоруу олохтоммут быраабылаларга сөп түбэһиннэрэн ыытыллыахтаах, атын түгэҥҥэ дааннайдар сыыһа билиниэхтэрин сөп, ол сыыһа эппиэт быһыытынан ааҕыллыаҕа.
Быһаарыылар
Сигэлэр
- Портал информационной поддержки ЕГЭ
- Сайт Федерального института педагогических измерений — разработчика заданий ЕГЭ
- Каталог сайтов поддержки ЕГЭ по регионам
- Внешнее независимое тестирование — аналог ЕГЭ на Украине
- Евгений Колосов. «Волна митингов против ЕГЭ катится по Кузбассу» — информационная заметка о протестах против ЕГЭ
- Илья Смирнов. «Стандарты и образование»
- Сергей Комков. «Генпрокуратура пошла на единый экзамен» — беседа с президентом Всероссийского фонда образования, доктором педагогических наук
- Борис Кагарлицкий. «ЕГЭ вместо истории»
- Антон Тюрин. ЕГЭ. «Как мы ходили на три буквы»
- Марина Лемуткина. «Наивно утверждать, что ЕГЭ позволит получить объективный результат»
- Шарыгин И. Ф. «Что плохого в тестах» — критическая статья педагога, написанная после встречи с министром Филипповым
- Пирская А. С. Методика оценивания компетенций выпускника — статья. — Научно-технический вестник ИТМО. — январь-февраль 2012. — УДК 004.855.5
- Николай Штыков. ЕГЭ и олимпиады по математике // Троицкий вариант, 03.02.2009.
Эбии бу тиэмэҕэ
 |
|---|
