Баланов Николай Егорович
Баланов Николай Егорович (1909 сыл ыам ыйын 19 күнэ, Илин Хаҥалас улууһа — 1980) — Аҕа дойду Улуу сэриитин кыттыылааҕа.
Олоҕун олуктара
Николай Баланов 1909 сыллаахха ыам ыйын 19 күнүгэр Илин Хаҥалас улууһун Бастакы Нөөрүктээйи нэһилиэгиэгэр төрөөбүт.
Кыһыл Аармыйаҕа 1941 сыл от ыйыгар Чурапчы оройуонун военкоматынан ыҥырыллыбыт. Соҕуруу, 4-с Украинскай фроннарга сэриилэспит. 1942 сыл алтынньы 25 күнүгэр отделение хамандыыра, младшай сержант Николай Баланов 62-с аармыйа Волга өрүһүн нөҥүө туоратар пуунун уонна төлөпүөн станциятын икки ардыгар баар 2 км уһуннаах сибээс лиинийэтин хааччыйар туһуттан 19 сиринэн быстыбыт сибээһи чөлүгэр түһэрбитэ.
1943 сыл олунньу 2 күнүгэр, Сталинградтааҕы кыргыһыы кыайыылаах түмүктэммит күнүгэр, младшай сержант Баланов босхоломмут Сталинград куоракка буолбут кыайыылаахтар парааттарыгар кыттыыны ылбыта.
Николай Баланов Кырыымҥа, Карпат хайаларыгар, Польшаҕа, Венгрияҕя уонна Чехословакияҕя сэриилэспитэ. 1945 сыл алтынньытыгар демобилизацияламмыта[1].
Наҕараадалара
- Албан аат уордьанын III ст. (19.03.1945)[2];
- «Хорсунун иһин» мэтээлинэн (08.05.1943)[3];
- «Сталинград көмүскэлии иһин» мэтээл;
- «Бойобуой үтүөлэрин иһин» мэтээл;
- «1941-1945 сс. Аҕа дойду Улуу сэриитигэр Германияны кыайыы иһин» мэтээл.