Афанасьев Алексей Петрович
Афанасьев Алексей Петрович — Дьокуускай уокуругун Дүпсүн улууһун Өспөх нэһилиэгин баайа.
Алексей Петрович С. В. Ястремскайы кытта бииргэ алтыспыт, «Саха тылын грамматикатын» оҥорсууга быһаччы кыттыспыт киһинэн билиниллэр.
Кини туһунан С. В. Ястремскай маннык суруйбуттаах: «Интеллигентный родович, пользующийся среди сородичей громадным авторитетом и уважением», — диэн[1].
Ястремскай хаатырҕаҕа 5 сыл сылдьан баран Саха сиригэр сыылкаҕа ыытыллар, онно Дүпсүн улууһугар А.П Афанасьевка олохсуйбут эбит. 1886 сылтан 1896 сылга дылы кини дьиэтигэр олорбут курдук. Афанасьев нууччалыы бэркэ билэр эбит. Олоҥхолуура үһү. Инньэ гынан Ястремскай саха тылын сэргииригэр олук буолбут («сформировал его интерес к изучению языка и фольклора якутов») диэн суруйаллар[2].
Дьиэ кэргэнэ
- Аҕата — Пётр Павлович Афанасьев. Дьокуускай - Аян уонна Үөһээ Дьааҥы-Халыма суолларын көрүүгэ-истиигэ бэдэрээтчиттэртэн биирдэстэрэ. Кини өлбүтүн кэнниттэн дьыалатын кэргэнэ салҕаабыт.
- Ийэтэ — Варвара Васильевна.
- Уолаттара: Николай Алексеевич, Иван Алексеевич, Василий Алексеевич, Георгий Алексеевич Афанасьевтар; төрдүөн Дьокуускайдааҕы реальнай училищеҕа киириэхтэрин иннинэ сыылынай өрөбөлүссүйэниэр-норуодунньукка Всеволод Ионовка үөрэммиттэр.
- Кыыһа: Анна Алексеевна — Боотур Уус улууһуттан төрүттээх Егор Николаев-I кэргэн тахсыбыт[3].
Быһаарыылар