Атласов Александр Павлович
Атласов Александр Павлович (төр. 1965 сыл бэс ыйын 5 күнэ, Кыһыл Сыыр) — Саха Өрөспүүбүлүкэтин тыатын хаһаайыстыбатын министиэристибэтин миниистирэ (2018 сыл муус устар 25-с күнүттэн).
Олоҕун олуктара
Александр Атласов 1965 сыллаахха бэс ыйын 6 күнүгэр Нам улууһун Бастакы Хомустаах нэһилиэгэр төрөөбүт.
1982 сыллаахха «Намский» совхоз үүнээйи үүннэриитин сыаҕар үлэлээбит.
1984 сылтан 1985 сылга диэри Сэбиэскэй аармыйаҕа сулууспалаабыт.
1986 сыллаахха «Намский» совхозка ЖКХа үлэһитинэн үлэлээбит.
1987—1992 сс. — Иркутскайдааҕы тыа хаһаайыстыбатын институтыгар уерэммит.
1992—1995 сс. — «Нам» учебно-производственнай хаһаайыстыба үлэһитэ.
1995—1998 сс. — Нам улууһун тыа хаһаайыстыбатын салалтатын, сир оҥоруутугар сүрүн специалиһынан улэлээбит.
1998—1999 сс. — Саха Өрөспүүбүлүкэтин тыа хаһаайыстыбатын уонна соҕотуопка министиэристибэтин сүрүн специалиһа.
1999—2005 сс. — Саха Өрөспүүбүлүкэтин тыа хаһаайыстыбатын министиэристибэтин үүнээйи үүннэрии салалтатын начальнигын солбуйаачыта.
2005—2013 сс. — Нам улууһун Бастакы Хомустаах нэһилиэгин баһылыгынан талыллыбыта.
2013 сыллаахха Нам улууһун муниципальнай районун баһылыгынан талыллыбыта.
2018 cыл кулун тутар 24-с күнүгэр Саха Өрөспүүбүлүкэтин тыа хаһаайыстыбатын уонна продовольстввеннай бэлиитикэ миниистирин эбээһэнэһин толорооччутунан ананар.
2018 cыл муус устар 25 күнүттэн 2023 сылга диэри Саха Өрөспүүбүлүкэтин тыа хаһаайыстыбатын уонна продовольственнай бэлиитикэ миниистирэ.
2023 сыл балаҕан ыйын 26 күнүттэн Саха Өрөспүүбүлүкэтин Ил Тумэн тыа сиригэр уонна аграрнай бэлиитикэҕэ уларыйбат кэмитиэтин бэрэссэдээтэлэ[1].
Саха Өрөспүүбүлүкэтин норуодунай дьокутаата (VII ыҥырыы)[2].
Наҕараадалара
- Саха сирин култууратын уонна успуордун үтүөлээх үлэһитэ;
- Нам улууһун I Хомустаах нэһилиэгин ытык олохтооҕо (2014);
- Нам улууһун ытык олохтооҕо (2015);
- Саха Өрөспүүбүлүкэтин норуодунай хаһаайыстыбатын үтүөлээх үлэһитэ (2016);
- Арассыыйа агропромышленнай комплексын үтүөлээх үлэһитэ (2020);
- Арассыыйа Бэдэрээссийэтин Судаарыстыбаннай Мунньаҕын (Дууматын) Тыа хаһаайыстыбатыгар сис кэмитиэтин Бочуоттаах грамотата (2021);
- Арассыыйа Бэдэрээссийэтин Тыа хаһаайыстыбатын министиэристибэтин Бочуоттаах грамотата (2023);
- Арассыыйа Бэдэрээссийэтин Федеральнай Мунньаҕын Бэдэрээссийэтин Сэбиэтин Махтал суруга (2023)[2].