Аржаков Афанасий Григорьевич
Аржаков Афанасий Григорьевич (Пустой шаблон {{ВД-Преамбула}}) — Аҕа дойду Улуу сэриитин кыттыылааҕа.
Олоҕун олуктара
1924 сыллаахха Үөһээ Бүлүү улууһун Хоро нэһилиэгэр төрөөбүтэ. Ийэтэ эрдэ өлөн, ыалга иитиллибитэ. Үөһээ Бүлүү сэттэ кылаастаах оскуолатын үөрэнэн бүтэрбитэ.
Аҕа дойдуну көмүскүүр Улуу сэриигэ 1942 сыл бэс ыйыгар ыҥырыллыбыта.
Арҕааҥҥы фроҥҥа оһуобай стрелковай биригээдэ састаабыгар ананан Волоколамскай шоссе иһин кыргыһыыга киирбитэ, ыараханнык бааһырбыта. Госпиталга сэттэ ый эмтэнэн баран 82-с гвардейскай танковай полк састаабыгар сэриилэһэн Илиҥҥи Пруссияны ылсыспыта. Сэрии бүтэһик сылыгар Киевтээҕи байыаннай училищеҕа үөрэххэ ыытыллыбыта.
Училище кэнниттэн Белоруссиятааҕы байыаннай уокурукка автомобильнай чааска анаммыта, онно 24 сыл сулууспалаабыта, майор званиеламмыта, саппааска тахсан баран Светлогорскай куорат электростанциятыгар гражданскай оборона штабын начальнигынан үлэлээбитэ.
1999 сыллаахха Белоруссия Светлогорскай куоратыгар ыалдьан өлбүтэ, онно хараллыбыта.
Наҕараадалара уонна ытык ааттара
- Аҕа дойду сэриитин II степеннээх уордьана;
- Икки «Бойобуой үтүөлэрин иһин» мэтээл.