Амыдаев Николай Данилович
Амыдаев Николай Данилович (1933 сыл от ыйын 10 күнэ, Боотулуу, Үөһээ Бүлүү улууһа — 2010) — худуоһунньук, муосчут.
Олоҕун олуктара
Николай Амыдаев Үөһээ Бүлүү Боотулуутугар 1932 сыллаахха от ыйын 10 күнүгэр төрөөбүт. 1965 с. Дьокуускайдааҕы художественнай училище прикладной салаатын бүтэрбит, «Муоһу уус ураннык кыһыы» диэн идэни ылбыт.
1967—1987 сс. Уус-уран училищеҕа преподавателлээбитэ.
1977 с. ССРС худуоһунньуктарын сойууһугар ылыллыбыт.
Айар үлэтэ
1960-с сылларга «Кто кого?» (1965), «Дети Севера» (1966), «Якутский танец» (1963) диэн оҥоһуктары айбыт. Кэлин хоту дьонун олоҕун көрдөрөр «Оленеводы» (1974), «Сээдьэ» (1975), «Установка тордоха» (1978), «Строится ураса» (1980) уо. д. а. айбыт.
Декортивнай композициялары оҥорорунан биллэр: «Пекарский в гостях у якутов» (1982), «Ыһыах» (1985). Маһынан остуол оонньууларын оҥорбута саха омугун оонньууларын холобура буолаллар — «Дуобат» (1974), «Сонор» (1999).
1962 сылтан өрөспүүбулүкэ, зона, бөдөҥ бүтүн Арассыыйатааҕы уонна Сойуустааҕы уус-уран быыстапкаларга кыттыбыта. Кини айымньылара элбэх атын дойдуларга көрдөрүллүбүттэрэ (Канада, Румыния, Монголия, Франция, Германия). Тус быыстапкалара Дьокуускайга 1983, 1993, 2003 сс. буолутаалаабыттара.
Кини айымньылара Саха Өрөспүүбүлүкэтин Национальнай уус-уран түмэлигэр, Саха сирин уонна Арассыыйа түмэллэригэр харалла сыталлар. Сорох үлэлэрин Арассыыйа култууратын министиэристибэтэ, Арассыыйа худуоһунньуктарын сойууһа уонна биирдиилээн араас омук сириттэн дьон атыыласпыттара.
Кини бастакылартан биирдэстэринэн араас матырыйааллары дьүөрэлээн туһаммыта: мамонт муоһун, капы, замшаны, инкрустацияны уонна үрүҥ көмүһү.
Наҕараадалара
- Саха Өрөспүүбүлүкэтин үөрэҕириитин туйгуна;
- «За трудовую доблесть» мэтээл (1986);
- Саха АССӨ норуодунай худуоһунньуга (1990).
- СӨ норуодунай маастара;
- Тыыл уонна үлэ бэтэрээнэ;
- ССРС орто анал тэрилтэлэрин үөрэҕириитин туйгуна;
- Арассыыйа худуоһунньуктарын Сойууһун чилиэнэ.