Аммосова Лена Максимовна
Аммосова Лена Максимовна (1937 сыл балаҕан ыйын 12 күнэ, Фрунзе — 2017 сыл алтынньы 2 күнэ, Москва) — химия билимин хандьыдаата, уопсастыбаннай деятель, М. К. Аммосов аатынан Благотворительнай Пуонда тэрийээччитэ.
Олоҕун олуктара
Лена Аммосова 1937 сыллаахха балаҕан ыйын 12 күнүгэр Фрунзе (билигин Бишкек) куоракка төрөөбүтэ.
1960 сыллаахха Д. И. Менделеев аатынан Москватааҕы химико-технологическай институту бүтэрбит.
1960—1963 сс. НИИ-гэ үлэлээбит. 1963 сылтан 1993 сылга диэри Сергей Векшинскай аатынан вакуумнай техника билим-чинчийэр институтугар инженертан саҕалаан старшай билим үлэһиккэ тиийэ үлэлээбитэ. Хандьыдаат диссертациятын көмүскээбитэ. 40-н тахса билим үлэни суруйбут[1].
1989 сылтан, ийэтэ Р. И. Цугель этиитинэн, аҕатын олоҕун үөрэтиинэн дьарыктаммыт.
1993 сылтан 1994 сылга диэри хонтуруол уонна информатика сиэктэрин сэбиэдиссэйэ, онтон Москуба куоракка Саха Өрөспүүбүлүкэтин уларыйбат бэрэстэбиитэлистибэтин дьыалаларын салайааччы.
1996—2000 сс. — дьокутаат З. А. Корнилова көмөлөһөөччүтүнэн үлэлээбит.
2000 сылга М. К. Аммосов аатынан Үтүө оҥорор Пуонда тэрийбит.
2000 сылтан «Север» ААУо фирмаҕа үлэлээбитэ.
Лена Аммосова 2017 сыллаахха алтынньы 2 күнүгэр Лена Аммосова Москва куоракка ыалдьан өлбүтэ.
Дьиэ кэргэнэ
- Аҕата — Аммосов Максим Кирович, судаарыстыбаннай деятель;
- Ийэтэ — Цугель Раиса Израилевна.
Икки оҕолоох:
- Михаил;
- Максим.
3 сиэннээх, 1 хос сиэннээх.
Наҕараадалара уонна ааттара
- «Үлэ бэтэрээнэ» мэтээл;
- Саха Өрүспүүбүлүкэтин М. К. Аммосов аатынан судаарыстыбаннай тутууга Судаарыстыбаннай бириэмийэтин лауреата;
- Нам улууһун Ытык олохтооҕо;
- Хатырык нэһилиэгин Ытык олохтооҕо;
- Саха Өрөспүүбүлүкэтин норуотун хаһаайыстыбатын үтүөлээх үлэһитэ;
- Саха Өрөспүүбүлүкэтин Ытык олохтооҕо (2012)[2].