Александров Иван Яковлевич
Александров Иван Яковлевич — Күүстээх Уйбаан (1878—1931 сс.) — сэбиэскэй хаһаайыстыбаннай уонна уопсастыбаннай диэйэтэл.
Олоҕун олуктара
Дүпсүн улууһун I Өспөх нэһилиэгин Эрбэһин диэн сиригэр төрөөбүт (билигиҥҥитэ Уус-Алдан улууһа).
1928 сыллаахха мелиоративнай үлэлэри тэрийэн 11 чилиэннээх «Хоҥор Биэ» түмсүүнү тэрийбитэ, бэрэссэдээтэлэ буолбута. Сыала-соруга оттуур сирдэри элбэтэргэ Хоҥор Биэ күөл уутун таһымын аччатан, Эрбэһин алааһы куурдуу буолбута.
1928—1930 сыллар устата түмсүү Араҥас Кырдала диэн 3000 м³ иэннээх ханаалы хаспыттара.
Ыһыах тэрийээччитин, мас тардыһааччы быһыытынан, улахан уҥуоҕунан уонна уһулуччу күүһүнэн биллэрэ. Дьокуускай куорат бириистэнигэр 855 киилэлээх куолакалы соҕотоҕун көтөхпүт сырыыта биллэр[1].
Дьиэ кэргэнэ
- Эһэтэ — Бахчыкы Сэмэн;
- Аймахтара (аҕатын балтын оҕолоро): Күүстээх Куонаан уонна Күүстээх Аампый.