Александров Гаврил Егорович
Александров Гаврил Егорович (төр. 1934 сыл балаҕан ыйа, Мэҥэ Хаҥалас улууһа) — Мэҥэ-Хаҥалас улууһун Ытык киһитэ.
Олоҕун олуктара
1934 сыллаахха балаҕан ыйыгар Мэҥэ Хаҥалас улууһун Хара нэһилиэгэр төрөөбүтэ.
1948 сылтан Сталин аатынан холхуос биригээдэтигэр оҕуруот аһын үүннэрээччи.
1948—1958 сс. Сталин аатынан колхоз оҕуруотун биригээдэтигэр үлэлээн үрдүк көрдөрүүлэри ситиһэн БСТХБ кыһыл көмүс медалиһа.
1958—1985 сс. ыччат көхтөөх бачыымыгар кыттыһан ыанньыксыт уустук, ыарахан үлэтин баһылаабыта.
Үрүҥ илгэни үксэтэр сыралаах үлэтэ түмүктээх буолбута, 1985 с. биир ынахтан 3800 кг үүтү ыыры ситиспитэ, IX, X пятилеткалар былааннарын аһары толорбута, куоталаһыы кыайыылааҕа буолбута[1].
Наҕараадалара
- ВДНХ кыһыл көмүс мэтээлэ;
- Үлэ кыһыл знамята уордьан (1984);
- «Үлэҕэ килбиэнин иһин» мэтээл;
- «Владимир Ильич Ленин төрөөбүтэ 100 сылын бэлиэтигэр» мэтээл;
- Мэҥэ-Хаҥалас улууһун Ытык олохтооҕо[1].