Акинфов Иван Павлович

1634 сыл от ыйын 23 күнүгэр жилецтан стряпчий дуоһунаһыгар анаммыт.

1638 сыл алтынньы 4 күнүгэр уонна 1640 сыл балаҕан ыйын 17 күнүгэр ыраахтааҕы дыбарыаһыгар хонуктаан өрүү сылдьыбыт.

1645 сыл ыам ыйын 10 күнүгэр судаарыстыба баһылыгыттан Тула куоракка стольник кинээс Черкасскайга дьаһаллары уонна испииһэктэри илдьэ барарга сорудахтаммыт.

1646 сыл алтынньы 1 күнүгэр стряпчийтан стольник дуоһунаһыгар үрдэтиллибит.

1647 сыл муус устар 18 күнүгэр Пасха күнүгэр Аһылык балаататыгар ыраахтааҕы остуолугар иккис киһинэн турбут.

1648 сыл тохсунньу 16-18 күннэригэр Алексей Михайлович ыраахтааҕы Мария Ильинична Милославскайалыын урууларыгар ыраахтааҕы улахан остуолугар астары уурааччынан сылдьыбыт.

1651—1652 сылларга Дьокуускай куорат бойобуодата уонна сыщик буолан сулууспалаабыт^[2].

1654 сыл кулун тутар 19 күнүттэн (Вербнай баскыһыанньа) уонна муус устар 1 күнүгэр диэри (Мария Ильинична ыраахтааҕы дьахтар аатын күнэ) Көмүс балаатаҕа ыраахтааҕы остуолугар Сибиир царевиһын күндүлээбит.

1655 сылтан 1656 сыл атырдьах ыйын 19 күнүгэр диэри Енисейскай куорат бойобуодата.

1657 сыл кулун тутар 16 күнүгэр Поляк уонна Азов посолларын кэтэбилгэ сылдьар пристава.

1660 сыл олунньу 19 күнүттэн кулун тутар 17 күнүгэр диэри (Судаарыстыба баһылыгын аатын күнэ) Көмүс балаатаҕа Касимов уонна Сибиир царевичтарын күндүлээбит.

1660 сыл ыам ыйын 2 күнүгэр Переславль куоракка иккис полковой бойобуоданан ыытыллыбыт.

1662 сыллаахха Поляктарга билиэн түбэспит, ол сыл босхолонон Ыраахтааҕы илиитигэр тиийбит (балаҕан ыйын 29 күнэ).

1664—1665 сылларга Тамбов куоракка стольник уонна бойобуода.

1667 сыллаахха Стольник уонна Бологов наместнига, Польшаҕа посол быһыытынан ыытыллыбыт. Сеймҥэ туроктары уонна татаардары кытта эйэлэһии бырайыагын киллэрбит.

1668—1671 сылларга Пушкарскай приказка судьуйа.

1673—1674 сылларга Казань куорат бойобуодата.

• Род дворян Акинфовых. Губ.тип. Симбирск. 1899. Акинфов Иван Павлович. стр.13-14.