Нуучча тылынанАнал бырайыактар
Тылы уларыт
УРУБИИКИ ТУҺУНАН

Авшар Хюлья

Хюлья́ Авша́р (туур. Hülya Avşar; 1963 сыл алтынньы 10 күнэ, Эдремит[d], Балыкесир[d]) — турок норуотун киинэ уонна тэлэбиидэнньэ артыыһа, ырыаһыт, эстрада сулуһа.

Биографията

Курд төрүттээх, дьиэтигэр курд аата — Малакан[2].

Авшар Хюлья Анкара куоракка Судаарыстыбаннай училищены үөрэнэн бүтэрбитэ уонна профессиональнайдык харбааһынан дьарыктаммыта. 1982 сыллаахха дьиэ кэргэнин кытта бииргэ Стамбул куоракка көһөн кэлбиттэр. 1983 Хюлья Авшар аан бастакытытык «Запрет» диэн киинэҕэ артыыс быһыытынан уһуллубута. Кини олоҕун устатын туоратыгар барыта олбоон 70-тан тахса араас киинэҕэ оонньообута[3]. Наар сүрүн оруоллары ылара. Авшар Турция маннык биллэр режиссердарыгар киинэҕэ уһуллубута: Орхан Аксой, Синан Четин, Орхан Элмас, Шериф Гёрен, Бильге Олгач, Явуз Озкан, Халит Рефиг уонна Ирфан Тёзюм.

1980-с сыллар ортолоругар Авшар Ибрахим Татлысесы кытта элбэх киинэҕэ бииргэ уһуллубута[4].

1990 сыллаахха Авшар «Мин киинэ тыйаатырдарым» (туур. Benim Sinemalarım) уонна «Хасан тимирдэ» (туур. Hasan Boğuldu) диэн киинэлэргэ уһуллубута[5]. Кини карьератыгар режиссер Синан Четин 1993 сыллааҕы «Берлин Берлиҥҥэ» (туур. Berlin in Berlin) диэн киинэтэ улахан суолталаах буолбута[6]. Германияҕа олорор турок миграннарын олохторун уонна ассимиляцияларын таарыйар хартыына артыыска аан дойду таһымнаах билиниллиини аҕалбыта: сүрүн оруолун иһин Хюлья Авшар Москубатааҕы норуоттар икки ардыларынааҕы киинэ бэстибээлигэр бастыҥ дьахтар оруолун иһин бирииһинэн наҕараадаламмыта[6]. Киинэ сүрүн ис хоһооно хааннаах өһүөнтэн саһан сылдьар ньиэмэс фотограбын тула тутуллар. Кини бэйэтин сиэртибэтин дьиэтигэр саһар[7].

2005 сыллаахха Хюлья Авшар Перихан Магден «Две девушки» диэн арамаанын киинэҕэ түһэриигэ артыыс быһыытынан кыттыбыта. Киинэни биллиилээх редиссер Кутлуг Атаман устубута. 2015 сыллаахха Авшар Хюлья Сафийе Султан оруолун «Великолепный век: Кёсем Султан» диэн элбэх сиэрийэлээх киинэҕэ толорбута.

2021 сыллаахха Авшар «Невинность» (туур. Masumiyet) диэн драматыгар сүрүн оруолларыттан биирдэстэрин, Хале Ильгаһы, оонньообута. 2025 сыллаахха кини «Вчерашние дети любви» (туур. Aşkın Dünkü Çocukları) диэн толору метражтаах киинэ тахсыбытынан, улахан киинэҕэ төннүбүтэ. Араас култууралаах дьон тапталын дьиҥнээх устуоруйатыгар олоҕуран оҥоһуллубут бу хартыынаҕа кини Угур Юджель диэн артыыстыын Изабель оруолун толорбута. Күүтүллүбүтүн да иһин, киинэ прокат барыытыгар ситиһиини ылбатаҕа.

Муусука идэтэ

Артыыс үлэтин кытта тэҥҥэ Хюлья Авшар ырыаһыт быһыытынан карьератын салҕаабыта. Музыкальнай үөрэҕи ылан баран, 1988 сыллаахха кини бэйэтин бастакы устуудьуйаҕа суруллубут альбомун — туур. Her Şey Gönlünce Olsun — таһаарбыта. 2000 сыллаахха Kral TV телеханаал киниэхэ «Сыл бастыҥ ырыаһыта» диэн номинацияҕа наҕараада анаабыта.

Тус олоҕо

1982 сыллаахха кэрэ күрэҕэр кыайыылаах аатыттан уһуллубута, тоҕо диэтэр кини кылгас кэмҥэ кэргэн тахса сылдьыбыта биллибитэ. 1997 сыллаахха бизнесмен Кай Чилингироглуга кэргэн тахсыбыта. 1998 сыллаахха кинилэр Зехра диэн кыыс оҕоломмуттара[8]. 2005 сыллаахха арахсыспыттара[8], ол кэннэ урукку кэргэнниилэр кыыстарын туһугар доҕордуу сыһыаны хаалларбыттара[9]. 2019 сыллаахха Чилингироглу төттөрү холбоспуттарын туһунан сураҕы мэлдьэспитэ, кинилэр доҕордор курдук сыһыаннаһалларын бигэргэппитэ[10].

2007 сылтан 2010 сылга диэри Авшар бизнесмен Садеттин Саранныын сыһыаннааҕа[11][12]. Кэлин артыыс билиммитэ: Саран кинини быраҕан барбыт соҕотох эр киһи эбит[13]. 2010 сыл кэнниттэн Авшар саҥа сыһыаҥҥа официальнайдык киирбэтэҕэ. 2021 сыллааҕы интервьютугар кини улахан ромаҥҥа дьулуспатын, чуумпуну ордорорун туһунан эппитэ[10].

Награды и номинации

Бэйэтин карьератыгар Хюлья Авшар элбэх ахсааннаах дойдутааҕы уонна норуоттар икки ардыларынааҕы наҕараадалары ылбыта.

Киинэ уонна тэлэбиидэнньэ

  • 1993 — XVIII Москубатааҕы норуоттар икки ардыларынааҕы киинэ бэстибээлэ — «Үрүҥ Көмүс Сибэтиэй Георгий» диэн бастыҥ дьахтар оруолун иһин бириис («Берлин Берлиҥҥэ» киинэ).
  • 2005 — Садри Алышык тыйаатыр уонна киинэ бириэмийэтэ — «Сүрэх Кэмэ» (туур. Kalbin Zamanı) киинэҕэ оруолун иһин «Бастыҥ артыыс» наҕараадата. Бу үлэтин иһин Киинэ суруйааччыларын Ассоциациятын (SİYAD) бастыҥ дьахтар оруолун бириэмийэтигэр эмиэ номинацияламмыта.
  • 2008 — Анталияҕа ыытыллыбыт 45-с «Көмүс апельсин» киинэ бэстибээлэ — «Киинэҕэ ситиһиилэрин иһин» (ааҥл. Cinema Achievement Award) диэн бочуоттаах наҕараада.

Муусука

  • 2000 — Kral TV телеханаал бириэмийэтэ — «Сыл бастыҥ ырыаһыта».

Быһаарыылар

  1. ↑ Hülya Avşar // Filmportal.de — 2005.
  2. ↑ Hülya Avşar'ın Kürtçe adı şaşırttı! Milliyet (27 Олунньу 2015). Сигэнии күнэ: 15 Балаҕан ыйын 2024. Архивировано 24 Балаҕан ыйын 2024 года.
  3. ↑ Хюлья Авшар (Hülya Avşar) - фильмография - азиатские актрисы. Кино-Театр.РУ. Сигэнии күнэ: 16 Балаҕан ыйын 2024.
  4. ↑ Хюлья Авшар (Hülya Avşar). TVseans.az. Сигэнии күнэ: 16 Балаҕан ыйын 2024.
  5. ↑ Hülya Avşar (фр.). Mubi. Сигэнии күнэ: 16 Балаҕан ыйын 2024.
  6. ↑ 1 2 Хюлья Авшар. 24СМИ. Сигэнии күнэ: 16 Балаҕан ыйын 2024. Архивировано 20 От ыйын 2025 года.
  7. ↑ Берлин в Берлине (1993) - история создания. LikeFilmDB.ru. Сигэнии күнэ: 16 Балаҕан ыйын 2024.
  8. ↑ 1 2 Хюлья Авшар. BornToday.ru. Сигэнии күнэ: 17 Балаҕан ыйын 2024.
  9. ↑ Хюлья Авшар и Кая Чилингироглу снова вместе? Haberler.com. Сигэнии күнэ: 17 Балаҕан ыйын 2024.
  10. ↑ 1 2 «Больше не влюблюсь»: Хюлья Авшар поставила крест на личной жизни. Дни.Эксперт (8 Алтынньы 2021). Сигэнии күнэ: 17 Балаҕан ыйын 2024. Архивировано 27 Муус устар 2025 года.
  11. ↑ Hülya Avşar ve Sadettin Saran neden ayrıldı? (тур.). Dailymotion. Сигэнии күнэ: 17 Балаҕан ыйын 2024.
  12. ↑ Saadettin için ben bataklıktaki nilüferim (тур.). Hürriyet (21 Алтынньы 2007). Сигэнии күнэ: 17 Балаҕан ыйын 2024.
  13. ↑ Hülya Avşar-Sadettin Saran aşkı (тур.). Milliyet. Сигэнии күнэ: 17 Балаҕан ыйын 2024.

Категориялар