Авдеева Фаина Иннокентьевна

Фаина Авдеева 1924 сыллаахха бэс ыйын 14 күнүгэр Ленскэй улуус Ньүүйэ сэлиэнньэтигэр элбэх оҕолоох ыалга төрөөбүт.

1930-с сылларга дьонун кытта Дьокуускайга көспүт, онно 7 №-дээх оскуоланы бүтэрэн баран педучилищеҕа үөрэнэ киирбит.

1942—1944 сылларга Дьокуускай куоракка 7 №-дээх оскуолаҕа алын кылаастарга учуутал уонна пионервожатай.

1944—1953 сылларга ЫБСЛКС Дьокуускай горкомун оскуолаларга сэкрэтээрэ, ЫБСЛКС Саха обкомун инструктора, педучилищеҕа пионер салаатын преподавателэ.

1951 сыллаахха ЫБСЛКС КК оскуолатын бүтэрбит.

1964 сыллаахха Саха государственнай университетын бүтэрбит.

1953 сыл алтынньы 1 күнүттэн 2009 сыл олунньутугар диэри Дьокуускайдааҕы пионердар уонна оскуола оҕолорун дыбарыастарын (1993 сылтан Оҕо саас Дыбырыаһа) дириэктэрэ.

1975 сылтан 1986 сылга диэри Фаина Авдеева салайааччылаах Дворец айар кэлэктиибэ БАМ, АЯМ, Нерюнгри ыстаансыйаларынан уонна бөһүөлэктэринэн айанныыр^[1].

Фаина Авдеева 2020 сыллаахха атырдьах ыйын 20 күнүгэр Москва куоракка өлбүтэ^[2].

• 1997 сыллаахха «Путевку в жизнь нам дал Дворец» диэн музей аһар.
• «Планета детства» диэн кинигэ тахсар.
• Дыбарыас туһунан элбэх ыстатыйа бэчээккэ тахсыбыт.

• ССРС үөрэҕириитин туйгуна
• РСФСР култууратын үтүөлээх үлэһитэ;
• Саха АССР оскуолатын үтүөлээх учуутала;
• «Бочуот Бэлиэтэ» уордьан;
• Норуоттар Доҕордоһууларын уордьана;
• Дьокуускай куорат ытык киһитэ^[3] (1994);
• «Хотугу сулус» уордьан^[4] (2004);
• Дьокуускай куорат Ытык олохтооҕо;
• СӨ Бэрэсидьиэнин М. Е. Николаев үрүҥ көмүс Бэлиэтэ;
• «Саха-Азия оҕолоро» Норуоттар икки Ардыларынааҕы пуонда лауреата^[5].

• 2019 сылга куораттааҕы Оҕо айар үлэтин дыбарыаһыгар Ф. И. Авдеева аата иҥэриллибитэ;
• 2023 сыл ахсынньы 29 күнүгэр Оҕо айар үлэтин дыбарыаһын аттыгар Фатия Иннокентьевна Авдееваҕа анаммыт өйдөбүнньүк аһыллыбыта. Өйдөбүнньүк ааптара — скульптор Николай Чоччасов.

• Энциклопедия Якутии. — Якутск, 2000.