Абрамов Алексей Федорович
Абрамов Алексей Федорович (1929 сыл от ыйын 5 күнэ, Үөдүгэй нэһилиэгэ, Үөһээ Бүлүү улууһа — 2023 сыл сэтинньи 27 күнэ) — биолог учуонай, СӨ наукатын үтүөлээх диэйэтэлэ, наука уонна техника эйгэтигэр СӨ Илин бириэмийэтин лауреаата (2002), биология дуоктара, профессор.
Олоҕун олуктара
Алексей Абрамов 1929 сыллаахха от ыйын 5 күнүгэр Үөһээ Бүлүүгэ Үһүс Үөдүгэй нэһилиэгэр Арыылаах диэн алааска төрөөбүт.
1943 сыллаахха Далыр сэттэ кылаастаах оскуолатын бүтэрэн баран 14 саастааҕар «Арбаҥда» холкуоска хонуу биригэдьииринэн анаммыта. Биригээдэтэ 1944-45 сс. бурдук, оҕуруот аһын үрдүк үүнүүтүн ылан холкуоһугар биллэ-көстө сылдьыбат. 1946 с. бастакы хомсомуол тэрилтэтэ тэриллэригэр сэкиритээринэн талыллыбыта.
Орто оскуоланы 1951 с. бүтэрбитэ. Ол сыл Омскайдааҕы бэтэринээр үнүстүүтүгэр киирбитэ, 1957 сыллаахха бүтэрбитэ. 1961-64 сс. Бүтүн сойуустааҕы эспэримиэнниир бэтэринэриийэ үнүстүүтүн аспираана.
1971 сылтан 2014 сылга диэри Саха сиринээҕи тыа хаһаайыстыбатын научнай чинчийэр институутугар (ЯНИИСХ) биохимия лабораториятын сэбиэдиссэйэ.
2014 сылтан 2016 сылга диэри билим консультант быһыытынан үлэлээбитэ.
Алексей Абрамов 2023 сыллаахха сэтинньи 27 күнүгэр өлбүтэ[1].
Билим үлэтэ
Чинчийэр үлэтин хайысхалара: агроэкология, саха сылгытын ууһааһына, аһа-үөлэ, Саха сирин усулуобуйатыгар аһы-үөлү харайыы, кыһыҥҥы тымныыны хаһаайыстыбаҕа туһаныы. 15 айар патент ааптара[2].
- Воспроизводительная способность норок в условиях Якутии, Сибирский вестник сельскохозяйственной науки, Абрамов А. Ф., Колесова М. И., № 10-2008, УДК 636.9(0775.8)
Наҕараадалара
- Саха Өрөспүүбүлүкэтин билимин үтүөлээх деятелэ;
- Билим уонна тиэхиньикэ эйгэтигэр Саха Өрөспүүбүлүкэтин Судаарыстыбаннай бириэмийэтин лауреата;
- Үөһээ Бүлүү улууһун ытык олохтооҕо[1].