Абрамова Оксана Ивановна
Абрамова Оксана Ивановна (төр. 1968 сыл балаҕан ыйын 25 күнэ, Тумат нэһилиэгэ[d], Саха АССР) — балет артыыһа, Арассыыйа Федерациятын, Саха Өрөспүүбүлүкэтин үтүөлээх артыыһа. Ойуунскай аатынан СӨ Судаарыстыбаннай бириэмийэтин лауреата (2001).
Олоҕун олуктара
Оксана Абрамова 1968 сыллаахха балаҕан ыйын 25 күнүгэр Усуйаана улууһун Тумат бөһүөлэгэр төрөөбүтэ. Новосибискайдааҕы хореография училищетын 1986 с. бүтэрбит.
1986—2003 сс. Дьокуускайдааҕы муусука тыйаатырын балетын прима-балерината.
2004 сылтан Дьокуускайдааҕы хореография училищетыгар классическай үҥкүү педагога.
П. И. Чайковскай «Лебединое озеро» балетыгар (1999; хореограф — Ю. Н. Григорович) Одетта-Одиллия сүрүн партиятын Саха сиригэр бастакынан толорооччу, ону кытта Петербургдааҕы хореографтар И. Ю. Паршагин уонна А. М. Полубенцев премьернай испэктээкиллэрин кыттыылааҕа.
Классическай үҥкүүнү толорооччулар «Дивертисмент» диэн I Өрөспүүбүлүкэтээҕи күрэхтэһии дипломана (2018)[1].
Айар үлэтэ
Тыйаатырга оруоллара
- Одетта–Одиллия («Лебединое озеро», П. И. Чайковскай) ;
- Медора («Корсар», А. Адан);
- Кларисса («451º по Фаренгейту», С. А. Корнилов);
- Золушка («Золушка», С. С. Прокофьев);
- Мария («Бахчисарайский фонтан», Б. В. Асафьев);
- Китри, Никия («Дон Кихот», «Баядерка», Л. Минкус);
- Аврора, Маша («Спящая красавица», «Щелкунчик», П. И. Чайковскай);
- Ева («Сотворение мира», А. П. Петров);
- Шехерезада («Тысяча и одна ночь», Ф. Амиров);
- Эсмеральда («Собор Парижской богоматери», Ч. Пунья)[2].
Наҕараадалара уонна ытык ааттара
- Ойуунускай аатынан судаарыстыбаннай бириэмийэ лауреата (2001);
- Мэҥэ-Хаҥалас улууһун ытык олохтооҕо;
- Усуйаана улууһун ытык олохтооҕо;
- Арассыыйа Федерациятын үтүөлээх артыыһа;
- Саха Өрөспүүбүлүкэтин үтүөлээх артыыһа;
- СӨ бырабыыталыстыбатын Бочуоттаах грамотата;
- СӨ Бастакы Бэрэсидьиэнин М. Е. Николаев "Билиинэн кыайыаҕын!" истипиэндийэтин лауреата (2019).
Быһаарыылар
Сигэлэр
Энциклопедия культуры и искусства Якутии. — Якутск, 2011. — ISBN 978-5-7696-3514-4