Мазерати дьонугар алта быраат баара: Альфьери, Биндо, Карло, Этторе, Эрнесто уонна Марио. Марио олоҕун искусствоҕа биэрбит. Карло автогонщик буолбут, ол эрээри 1919 сыллаахха туберкулезтан өлбүт. Альфреди, Биндо уонна Эрнесто Isotta Fraschini диэн массыына фирматыгар үлэлээбиттэр. 1914 сыллаахха Альфьери Болоньяҕа бэйэ мастерскойу аспыт^[1]. Сотору Бинжо уонна Эрнесто кыттыспыттар, уонна бииргэ икки лиитэр двигательдаах күрэх массыынатын оҥорбуттар. 1926 сыллаахха бырааттыылар Maserati диэн хампаанньаны тэрийбиттэр. Хампаанньа 4-,6-,8- уонна 16-цилиндрдаах двигательдаах массыыналары оҥорон саҕалаабыттар.

Марио уруһуйдьут хампаанньа эмблематын уруһуйдаабыт — трезубец.

1937 сыллаахха бырааттыылар Maserati хампаанньаларын Орси дьиэ кэргэнигэр атыылаабыттар. 1940 штаб-квартира Модена куоракка көспүт, билигин да онно баар. Орси күрэс массыыналары эрэ оҥорорго көспүттэр. Бырааттыылар хампаанньаҕа инженер быһыыларынан 10 сыл хантыраагынан үлэлии хаалбыттар. 1940 сыллаахха Maserati Индианаполиска кыайбыттар.

• Maserati Ghibli III — седан бизнес-класс.
• Maserati GranCabrio — түөрт миэстэлээх кабриолет.
• Maserati GranTurismo — түөрт миэстэлээх купе.
• Maserati Levante — түөрт миэстэлээх кроссовер.
• Maserati Quattroporte — түөрт ааннаах күрэскэ оҥоһуллубут седан.