FIAT

FIAT, Италия (Fabbrica Italiana Automobili Torino диэнтэн кылгатыы) биир улахан массыына хомуйар, мотуор оҥорор уонна үп-харчы эргитэр бөлөх. Бөлөх киинэ - Турин куорат (Пьемонт киинэ).

2011 сыл тохсунньу 1 күнүттэн ФИАТ бөлөх икки аҥыы хайдыбыта. «Fiat SpA» (легковой транспорт) уонна «Fiat Industrial» (промышленнай транспорт) диэн икки бэйэ аннынааҕы тэрилтэри тэрийбитэ. 2014 сыл тохсунньутугар, Chrysler хампаанньа 100% акцияларын кытары ыпсыһан баран, аны Fiat Chrysler Automobiles диэн Нидерландыга ордулаанан үлэлиир буолбута.

1899 сыллаахха хас да үбүлээччи, ол быыһыгар Джованни Анньелли кыттыгастаах, тэрийбиттэрэ. 1902 сылтан Анньелли салайан, аан дойдуга биллэр-көстөр массына онорор тэрилтэ буолбута. Анньелли уруккута байыаннай буолан, тэрилтэ иһигэр кытаанах бэрээдэги олохтообута. Генри Форд собуоттарын көрөн баран, Европаҕа бастакы массыына хомуйар конвейеры туруорбута. Аан дойду Бастакы сэриитин саҕана аны көтөр ааллары уонна куйахтаах техниканы оҥорор буолта. 1919-20 сылларга хомуньуустар Антонио Грамши уонна Пальмиро Тольятти ФИАТ үлэһиттэрин собостуобкалатан, улаханнык сатарыта сылдьыбыттара. Онон Бенито Муссолини былааска кэлбитин эрэ кэннэ, Джованни Анньелли үлэтигэр төннүбүтэ. 1945 сылга фашистар диэки буолбутун диэн, Анньеллины үлэтиттэн устубуттара, ол кэннэ өр барбакка, өлбүтэ. 1966 сылга, Витторио Валетта салайар кэмигэр, Сэбиэскэй Союзка техническэй көмө дуогабарынан, https://ru.wikipedia.org/wiki/Fiat_124 массыынаны ВАЗ 2101 диэн ааттаан оҥорор буолбуттара.