Нуучча тылынанАнал бырайыактар
Тылы уларыт
УРУБИИКИ ТУҺУНАН

Яковлев Владимир Анатольевич

Владимир Анатольевич Яковлев (төр. 1944 сыл сэтинньи 25 күнэ, Өлүөхүмэ, Саха АССР, РСФСР, ССРС) — Арассыыйа судаарыстыбыннай, политическай уонна общественнай деятелэ. Санкт-Петербург губернатора (1996—2003), Арассыыйа Федерациятын Судаарыстыбыннай сэбиэт президиумын чилиэнэ (2000—2001), Арассыыйа Федерация бырабыылыстыбатын бэрэссэдээтэлин солбуйааччыта (2003—2004), Соҕурууҥҥу федеральнай уокурукка Арассыыйа Федерациятын президенын боломуочуйалаах представителя (2004), Арассыыйа Федерациятын эрэгийиэн сайдыытын миниистирэ (2004—2007).

Биография

undefined

Сэтинньи 25 күнүгэр 1944 сыллаахха Өлүөхүмэ куоракка төрөөбүтэ, онно 1942 сыллаахха кулун тутар ПВС ЛФ No 00713 базатыгар ийэтэ Хильма Ляхтинен (1921 с.т.), Ленинградскай уобалас Ораниенбаум оройуонун Лимузи нэһилиэгин төрүт олохтооҕо (ингр финнэртэн), депортацияламмыта[1].

1969 сыллаахха ССКП кэккэтигэр киирбитэ.

Яковлев 1965 сыллаахха Ленинградтааҕы монтажнай техникуму бүтэрбитэ. 1965—1968 сылларга Закавказскай байыаннай уокурукка разведка ротатыгар Сэбиэскэй Аармыйа кэккэтигэр сулууспалаабыта.

1974 сыллаахха Ленинградка Хотугулуу-Илиҥҥи заочнай политехническай институту мастерынан, онтон тутуу треһигэр управляющайынан үлэлээбитэ.

1987 сыллаахха Ленинград куорат ситэриилээх кэмитиэтин дьиэ-уот управлениетын салайааччытын солбуйааччынан, онтон дьиэ-уот техническай салаатын сүрүн инженеринэн анаммыта.

1991 сыллаахха ССКП-тан таҕыспыта.

1993 сыллаахха тохсунньуга Яковлев Санкт-Петербург баһылыгын солбуйааччытынан анаммыта. Ол сыл ахсынньытыгар баһылык бастакы солбуйааччыта буолбута.

1994 сылтан Санкт-Петербург бырабыыталыстыбатын бэрэссэдээтэлин бастакы солбуйааччыта, Куораты салайыы кэмитиэтин бэрэссэдээтэлэ.

Бэс ыйын 2 күнүгэр Санкт-Петербург губернаторынан талыллыбыта. От ыйын 2 күнүгэр ыытыллыбыт иккис турга 47,5 % ылан кыайда (Анатолий Собчак — 45,8 %).

Яковлев 1999 сыллаахха муус устарга «Бүтүн Арассыыйа» хамсааһынын төрүттээччилэртэн биирдэстэрэ буолар, 2002 сылга диэри бэрэссэдээтэлинэн үлэлээбитэ.

Атырдьах ыйыгар «Бүтүн Арассыыйа» «Аҕа дойду» тэрилтэни кытта холбоспута. Яковлев «Аҕа дойду — Бүтүн Арассыыйа» блок сопредседателэ буолбута уонна Судаарыстыбыннай думаҕа хандьыдааттар федеральнай испииһэктэригэр үһүс миэстэ буолбута. Ахсынньы 19 күнүгэр III ыҥырыылаах дьокутаатынан талыллан баран, мандааттан аккаастаммыта.

2000 сыл ыам ыйыгар Санкт-Петербург куоракка губернатор быыбарын бастакы түһүмэҕин кыайбыта. Ити сыл балаҕан ыйын 2 күнүттэн кулун тутар 12 күнүгэр диэри РФ Судаарыстыбаннай сэбиэтин Президиумун чилиэнэ[2][3].

2003 сыл бэс ыйыгар губернатор дуоһунаһыттан эрдэ уурайан, РФ Президенин ыйааҕынан РФ бырабыыталыстыбатын бэрэссэдээтэлин солбуйааччы дуоһунаһыгар анаммыта. Ол сыалтан бэрэсидьиэн туспа уурааҕынан ситэриилээх былаас федеральнай уорганнарын тутулугар эбии дуоһунас киирдэ. Бырабыыталыстыбаҕа кини дьиэ-уот коммунальнай хаһаайыстыбатын, тутууну, сайдыыны уонна тырааныспары хонтуруоллуур этэ.

2004 сыл кулун тутар 9 күнүттэн 2004 сыл балаҕан ыйын 13 күнүгэр диэри Соҕуруу федеральнай уокурукка РФ Президенин боломуочуйалаах бэрэстэбиитэлинэн үлэлээбитэ[4][5][6].

2004 сылтан 2007 сылга диэри РФ Куттал суох буолуутун Сэбиэтин чилиэнэ.

Техническэй наука хандьыдаата, экэниэмикэ билимин дуоктара, Санкт-Петербургтааҕы государственнай политехническэй университет куорат хаһаайыстыбатын кафедратын профессора, Санкт-Петербургтааҕы государственнай экэниэмикэ уонна үп университетын бочуоттаах дуоктара, Аан дойдутааҕы инженернэй академия академига.

2009 сыл муус устар 28 күнүгэр Москваҕа съезд кэмигэр Арассыыйа тутааччыларын сойууһун (РСС) бэрэсидьиэнинэн талыллыбыта[7].

2012 сыллаахха Арассыыйа тутааччыларын сойууһун IX съеһин быһаарыытынан 5 сыл болдьоххо РСС бэрэсидьиэнинэн хаттаан талыллыбыта[8].

Дьиэ кэргэн

Яковлева Ирина Ивановналыын ыал буолбуттара (6.01.1945 — 23.11.2014)[9]; уоллара — Игорь (төр. 1970).

Билигин Яковлева Марина Александровналыын кэргэнниилэр; уоллара — Владимир (төр. 2019)[10].

Быһаарыылар

  1. ↑ Инкери. Ру. Информация о репрессиях финнов в СССР. Ляхтинен Хильма Андреевна
  2. ↑ Распоряжение Президента Российской Федерации от 02.09.2000 г. № 393-рп «О президиуме Государственного совета Российской Федерации»
  3. ↑ Распоряжение Президента Российской Федерации от 12.03.2001 г. № 121-рп «О президиуме Государственного совета Российской Федерации»
  4. ↑ Указ Президента Российской Федерации от 09.03.2004 г. № 332 «О полномочном представителе Президента Российской Федерации в Южном федеральном округе»
  5. ↑ Указ Президента Российской Федерации от 26.03.2004 г. № 416 «О полномочном представителе Президента Российской Федерации в Южном федеральном округе»
  6. ↑ Указ Президента Российской Федерации от 13.09.2004 г. № 1169 «О Министре регионального развития Российской Федерации»
  7. ↑ Коммерсант.ru, Владимир Яковлев возглавил Российский союз строителей
  8. ↑ Российский Союз строителей, Очередной IX Съезд Российского Союза строителей завершил свою работу. Сигэнии күнэ: 15 Сэтинньи 2012. Архивировано из оригинала 24 Бэс ыйын 2014 года.
  9. ↑ В Петербурге скончалась жена экс-губернатора Ирина Яковлева (рус.). dp.ru (23 Сэтинньи 2014). Сигэнии күнэ: 23 Сэтинньи 2014.
  10. ↑ Президент РСС. omorrss.ru. Сигэнии күнэ: 28 Кулун тутар 2019.

Сигэлэр

Эбии бу тиэмэҕэ

Категориялар