Чикачёв Алексей Гаврилович

1930 сыллаахха Аллайыаха улууһун Русское Устье сэлиэнньэтигэр төрөөбүтэ.

1947—1951 сылларга Дьокуускайдааҕы педагогическай училищеҕа үөрэммитэ, ону бүтэрэн баран төрөөбүт оройуонугар учууталынан үлэлээбитэ, 1954 сылтан — оройуоннааҕы үөрэх салаатын (районо) сэбиэдиссэйинэн.

Саха государственнай университет история факультетын кэтэхтэн үөрэнэр салаатын бүтэрбитэ.

1958 сыл атырдьах ыйыттан Аллайыаха районотун сэбиэдиссэйинэн, КПСС Аллайыаха райкомун 2-с сэкирэтээринэн, партийнай-государственнай уонна норуот хонтуруолун бэрэссэдээтэлинэн үлэлээбитэ. 1968 сыл алтынньытыгар Аллайыаха оройуонун норуот дьокутааттарын Сэбиэтин исполкомун бэрэссэдээтэлинэн талыллыбыта.

1970—1972 сылларга КПСС ЦК-тын аттынааҕы Үрдүкү партийнай оскуолаҕа үөрэммитэ, ону бүтэрэн баран КПСС Саха уобаластааҕы кэмитиэтин инструкторынан үлэлээбитэ.

1975 сыл олунньутугар Аллараа Халыма райкомун бастакы сэкирэтээринэн талыллыбыта, онно 1985 сыл алтынньытыгар диэри үлэлээбитэ.

Саха АССР Үрдүкү Сэбиэтин дьокутаатынан үстэ талыллыбыта.

• Саха Өрөспүүбүлүкэтин норуотун хаһаайыстыбатын үтүөлээх үлэһитэ
• Аллайыаха улууһун Ытык олохтооҕо
• Аллараа Халыма улууһун Ытык олохтооҕо
• «Бочуот Знага» уордьан
• ССРС мэтээллэрэ

• Чокуурдаахтааҕы орто үөрэхтээһин оскуолата А. Г. Чикачёв аатын сүгэр^[1];
• Аллайыаха улууһун Чокуурдааҕар сыл аайы Алексей Чикачёв төрөөбүт күнүгэр Русское Устьеҕа анаммыт «Чихачёвскай ааҕыылар» ыытыллаллар (1917 сылга диэри араспаанньата итинник суруллар этэ)^[2].

• Полярный краевед Алексей Гаврилович Чикачев : (биобиблиогр. указ.) / Нац. б-ка РС (Я), Сектор Севера; сост. и ред. М. Е. Яковлева. — Изд. 2-е, доп. — Якутск : НБ РС (Я), 2005. — 39 с.
• Браткова Т. Русское Устье // Новый мир. — 1998. — № 4. — С. 143—161.
• Степанова Е. Человек тундры // Якутия, — 2006. — 5 дек.