Чигирёва Нина Николаевна
Чигирёва Нина Николаевна (1954 сыл сэтинньи 15 күнэ, Эмис, Саха АССР — 2024 сыл муус устар 1 күнэ) — опера ырыаһыта (меццо-сопрано).
Олоҕун олуктара
1954 сыллаахха сэтинньи 15 күнүгэр Саха АССР Амма оройуонун Эмис сэлиэнньэтигэр төрөөбүт.
1979 сыллаахха Дьокуускайдааҕы музыка училищетын бүтэрбит.
1987 сыллаахха М. И. Глинка аатынан Новосибирскайдааҕы консерватория вокалга салаатын бүтэрбит. Нью-Йорк (АХШ) Р. Понсейль аатынан пуонд маэстро И. Чичаговка стажировкаламмыта.
1987 сылтан Саха музыкальнай тыйаатырыгар үлэлээбитэ.
1991 сылтан Саха судаарыстыбаннай опера уонна балет тыйаатырыгар үлэлиирэ.
Нина Чигирёва 2024 сыл муус устар 1 күнүгэр өлбүтэ[1].
Айар үлэтэ
Ариялара
- Сузуки («Чио-Чио-сан» Дж. Пуччини, дебют);
- Полина уонна Миловзор («Пиковая дама» П. И. Чайковскай);
- Мамаша Кураж («Мамаша Кураж» С. Кортес);
- Мать («Сын солнца» А. Созонов);
- Күн Күбэй («Ньургун Боотур» М. Жирков, Г. Литинскай);
- Азучена («Трубадур» Дж. Верди);
- Маддалена («Риголетто» Дж. Верди);
- Ольга («Евгений Онегин» П. И. Чайковскай);
- Марина Мнишек («Борис Годунов» М. Мусоргскай);
- Кончаковна («Князь Игорь» А. Бородин);
- Любаша («Царская невеста» Н. Римскай-Корсаков).
Дьиэ кэргэнэ
Нина Чигирёва кэргэнэ Саха сирин үтүөлээх ускуустубатын диэйэтэлэ, Арассыыйа Федерациятын култууратын үтүөлээх үлэһитэ, Саха Өрөспүүбүлүкэтин Үрдүкү Муусука оскуолатын үлэһитэ Сергей Чигирёв. Уолун аата Дмитрий[1].
Наҕараадалара уонна ытык ааттара
- Саха Өрөспүүбүлүкэтин үтүөлээх артыыһа (1989);
- Арассыыйа Федерациятын үтүөлээх артыыһа (1993);
- Саха Өрөспүүбүлүкэтин норуодунай артыыһа (2000);
- Норуоттар Доҕордоһууларын уордьана (2010);
- Саха Өрөспүүбүлүкэтин «Гражданскай албан аат» бэлиэ (2014);
- Ойуунускай аатынан Судаарыстыбаннай бириэмийэ (2019).