Нуучча тылынанАнал бырайыактар
Тылы уларыт
УРУБИИКИ ТУҺУНАН

Француз балкона

Тургутуллубут ыстатыйа

Француз балкона (фр. balconnet, ааҥл. Juliet balconies[1][2]) — балкон көрүҥнэриттэн биирдэстэрэ, уратыта диэн эбэтэр платформа олох суоҕа, эбэтэр баара, ол гынан баран кыра иэннээх (50 см-тан кыра). Өссө үксүн портфнетр диэн ааттанар(фр. porte-fenêtre)[3][4].

Устуоруйа

Бу архитектурнай тутуу төрүөтэ хас да барыла баар. Бастакы барыл этэринэн, Европаҕа орто үйэлэргэ аныгы туалет солбуйааччы быһыытынан көстүбүт[5]. Атын барылынан, французскай балконнар практическай сыалтан оҥоһуллубуттар: уулуссалар кыараҕастара улахан тас тутуулаах дьиэлэри тутар кыаҕы биэрбэт буолан, сибэккилэри үүннэрэргэ кыах биэрэр маннык кыра барылы хааччахтанар буолбуттара[6].

Ону кытта аныгы француз балконнар өбүгэлэрэ аан бастаан Испанияҕа эбэтэр Италияҕа үөскээбиттэр диэн санаа баар. Түннүктэр улахан буоланнар, хосторго сырдык чэпчэкитик киирэрэ уонна салгын киирэрэ эмиэ чэпчээбитэ[5][7].

Juliet balcony диэн бу архитектурнай тутуу атын аата, Уильям Шекспир «Ромео уонна Джульетта» диэн пьесата тахсыбытын кэннэ бэриллибит дииллэр. Онно Джульетта таптыыр киһитин кытта кэпсэтэр сирэ курдук көстөр[8].

Араастара уонна кинилэр уратылара

Француз балконнары икки көрүҥҥэ араарыахха сөп:

  • площадката суох;
  • кыра площадкалаах.

Иккис көрүҥ, чорбох быһыытын уратыланыан сөп. Кэлтэгэй төгүрүк эбэтэр көмө муннук буолуон сөп. Бастакы барыл үгэс буолбутунан ааҕыллар, оттон иккис аныгы дьиэлэргэ ордук тарҕаммыт[9].

Француз балконнары туруорууну дьаһайар ГОСТ баар. Куттал суох буолуутун иһин күрүөтэ киһи онтон түспэт гына туруоруллуохтаах[10].

Француз балконнар күрүөтүн көрүҥэ туттуллубут матырыйаалтан тутулуктаах буолаллар. Холобур, таптайыы эрэһээҥки буолуон сөп. Бу сыалларга профильнай турбалар (тимиртэн, ыстаалтан эбэтэр алюминийтан) туттуллар. Сорох түбэлтэҕэ бетонтан күрүөлэри оҥороллор — бетонтан колонналары уонна онно майгынныыр киэргэтии элеменнарын оҥороллор. Өссө өстүөкүлэни туттуохха сөп, ол гынан баран охсууга тулуурдаах буолуохтаах.

Көннөрү уонна француз балкон гибрид көрүҥэ баар. Бу толору үрдүктээх түннүктээх стандартнай кээмэйдээх площадкалаах балкону өстүөкэлэнии, гибрид диэн ааттыыллар. Ол гынан баран, маннык архитектурнай тутууну француз балкон арааһа дииргэ сөбө суох: маннык түбэлтэҕэ туспа тиэрмин баар — «Француз өстүөкэлэниитэ»[9].

Үчүгэй уонна куһаҕан өрүттэрэ

Француз балконун үчүгэй өрүттэригэр киирэллэр:

  • күнүскү сырдык өстүөкүлэнэн хоско ордук киирэр буолан, энергияны харыстааһын;
  • салгын киирэригэр улахан сир, бу процедураны улахан туһалаахтык оҥорор кыах биэрэр;
  • кыра кыбартыыра сирин көрүҥүнэн кэҥэтии;
  • киэргэтии быһыытынан туһаныы[8].

Куһаҕан өрүттэрэ:

  • сайын балкоҥҥа тахсар хос аһара итийиэн сөп;
  • сорох матырыйааллар сыаналара ыарахан буолуон сөп;
  • бары дьиэлэр маннык тутулу туруорар кыахтара суох[6];
  • сорох түбэлтэҕэ туруорарга көҥүл ылыахха наада[11];
  • өстүөкүлэлэри ыраастык тутарга эбии күүс көрдөнүөн сөп[6].
    .

Галерея

Француз балкона модерн стилигэр
Француз балкона Парижка
Француз балкона Венаҕа (Австрия)
Француз балкона Вуппертальга (Германия)

Быһаарыылар

  1. ↑ Juliet balconies (англ.). Balconette. Сигэнии күнэ: 30 Алтынньы 2023. Архивировано 24 Кулун тутар 2012 года.
  2. ↑ Balconet (англ.). Encyclopedia.com. Сигэнии күнэ: 30 Алтынньы 2023.
  3. ↑ Порт-фнетр. Словарь галлицизмов русского языка. sanstv.ru. Сигэнии күнэ: 30 Алтынньы 2023.
  4. ↑ Елена Слободян. Можно ли выходить на французский балкон? Аргументы и факты (7 Сэтинньи 2022). Сигэнии күнэ: 30 Алтынньы 2023.
  5. ↑ 1 2 Зачем нужен маленький «французский балкон», если на него даже выйти нельзя. Novate.Ru (28 Алтынньы 2022). Сигэнии күнэ: 30 Алтынньы 2023.
  6. ↑ 1 2 3 Плюсы и минусы французского балкона. planken.guru. Сигэнии күнэ: 30 Алтынньы 2023.
  7. ↑ Языева С. Б., Жирухина Т. В., с. 149
  8. ↑ 1 2 Bob Vil. What is a Juliet Balcony? A complete guide (англ.). Clever Patio (7 Балаҕан ыйын 2023). Сигэнии күнэ: 30 Алтынньы 2023.
  9. ↑ 1 2 Все о французском балконе. Системы ВЕКА. Сигэнии күнэ: 30 Алтынньы 2023.
  10. ↑ ГОСТ Р 56926-2016
  11. ↑ Все о французском балконе. вПлатье.ру. Сигэнии күнэ: 30 Алтынньы 2023.

Литэрэтиирэ

Категориялар