Флористика
Флористика (лат. flora диэнтэн) эбэтэр Floral design (ааҥл. Floral design) диэн киэргэтии уонна прикладной искусство уонна дизайн көрүҥэ; тыыннаах, кураанах эбэтэр кэнсиэрбэлэммит буолуон сөптөөх араас айылҕа матырыйаалларыттан (сибэкки, сэбирдэх, от, фрукта уо.д.а.) сибэкки оҥоһуктарын (букеттары, композициялары, паннолары, коллажтары) оҥоруу.
Флористика устуоруйата
Флористика идэ быһыытынан былыр былыргыттан баар, 20-21 үйэлэр саҕаланыыларыгар үөскээбитэ. Орто үйэлэргэ таҥара күлүктэрин сибэккиннэн киэргэтэллэрэ. XVIII үйэҕэ дьиэҕэ итиини биэрэр технология сайдыбытын кэннэ, сибэккини дьиэ иһигэр иһиккэ олордор буолбуттара. Ордук XXI үйэ саҕаланыытыгар араас тэрээһиннэри сибэккинэн киэргэтии тарҕаммыта.
Илин, Арҕааҥҥы уонна Европа истииллэрэ бары билиҥҥи курдук коммерческай сибэкки дизайнын индустриятыгар сабыдыаллаатылар. Хотугу дизайн устуоруйа өттүнэн симметричнай, асимметричнай, сытыары уонна туруору истииллээх дьүөрэлэһиилэринэн уратыланар. Сибэкки дьүөрэлэһиитин устуоруйата бастаан Былыргы Египеккэ саҕаламмыта.
Египет олохтоохторо 4000 сыл анараа өттүгэр лотос сибэккилэрин уонна сэбирдэхтэрин вазаҕа уураллар этэ. Кинилэр өссө сибэкки дьөрбөтүнэн веноктары, гирляндалары, төбөҕө уонна моонньуга кэтэр киэргэллэри оҥороллоро. Үксүн лотос уонна папирус үүнээйилэрин тутталлара, тоҕо диэтэххэ Изида таҥаратын ытык үүнээйилэрэ диэн өйдөбүллээхтэрэ. Былыргы гректэр уонна римляннар үүнээйилэртэн эмиэ төбөҕө кэтэр гирляндалары уонна веноктары оҥороллоро.
Кытай уонна Кэриэйэ тэрээһиннэрэ үгэс быһыытынан Конфуцианскай толкуйдааһын идеятыгар, буддизм харыстабылын принцибигэр уонна даосизм символизмыгар олоҕураллар . Кытайдар уонна кэриэйдэр тэрээһиннэригэр үгүстүк араас үрдүктээх уонна моһуоннаах иһиттэри тутталлар.
Икебана диэн Дьоппуон истиилинэн сибэккилэри дьүөрэлээн оҥоһуу. Халлааны, киһини уонна сири кытта сөп түбэһэр үс сүрүн хайысхаҕа сөп түбэһиэхтээх.