Тыва тылын күнэ
Тыва тылын күнэ (тыв. Тыва дыл хүнү) — бырааһынньык, 2016 сыллаахха тохсунньу 18 күнүгэр Тыва Өрөспүүбүлүкэтин Баһылыгын Ыйааҕынан олохтоммута[1]. Сыл аайы сэтинньи 1 күнүгэр бэлиэтэнэр.
Тыва Өрөспүүбүлүкүтүгэр тыва тыла судаарыстыбыннай тыл статустаах[2]. Билиҥҥи кэмҥэ 300 тыыһ. саҥарааччы баар. Тываҕа тыва тыла олоххо уонна общественнай олоххо туттанар, тылынан хаһыат, кинигэ тахсар, телевизионнай бырагарааммалар, ситим-сирдэр бааллар[3].
Устуоруйа
Сэтинньи 1 күнэ «Тыва тылын күнүгэр» анаммыта, 2016 сыл тохсунньу 18 күнүгэр Шолбан Кара-оол Тыва Өрөспүүбүлүкэтин Баһылыгын Ыйааҕынан ТӨ норуодунай суруйааччыта Александр Даржай көҕүлээһининэн тыва тылын харыстыыр, өйүүр, тарҕатар сорудахтаах олохтоммута.
Бэлиэтээһин
2016 сыллаахха бастакы Тыва тылын күнэ бэлиэтэммитэ[4]. Сыл аайы Тыва Өрөспүүбүлүкэтин Бырабыытылыстыбата ыйдааҕы алтынньы 1 күнүттэн сэтинньи 1 күнүгэр диэри планы бигэргэтэллэр.
Сыл аайы сэтинньи 1 күнүгэр Кызылга «Тыва тыла — омук баайа» Өрөспүүбүлүкүтээҕи форум тэриллэр. Учуонайдар уонна экспертар кытталлар, судаарыстыбыннай наҕараадалары иҥэрэр үөрүүлээх сиэр ааһар.
Бэлиэ күн Тываҕа эрэ буолбакка атын тывалар олорор сирдэригэр, эрэгийиэннэригэр бэлиэтэнэр[5].