Нуучча тылынанАнал бырайыактар
Тылы уларыт
УРУБИИКИ ТУҺУНАН

Трофимова Сардана Александровна

Трофимова Сардана Александровна (1988 сыл кулун тутар 28 күнэ, Тамалакаан, Саха АССР[1]) — чэпчэки атлетикаҕа (марафоҥҥа) РФ успуордун маастара (2011)[2], Арассыыйаҕа марафон биэс төгүллээх чөмпүйүөнэ. Марафоҥҥа Арассыыйа сүүмэрдиир хамаандатын урукку чилиэнэ, 2022 сылтан Кыргыстаан аатыттан күрэхтэһэр. 2024 сыллаахха Парижка буолбут сайыҥҥы Олимпийскай оонньууларга кыттан, Кыргыстаан аатыттан марафоҥҥа сүүрэн, 91 кыттааччыттан 14-с миэстэни ылбыта.

Биография

Сардаана Үөһээ Бүлүү Тамалакааныттан төрүттээх. 5-с кылаастан сүүрүүнэн дьарыктанар. Тохсус кылаастан күрэхтэһиилэргэ кыттар. Бастакы тренерэ Геннадий Алексеевич Николаев. Онус кылааска Дьокуускайга ДЮСШ-5 үөрэммит[3]. Физкультура уонна спорт институутугар чэпчэки атлетика салаатыгар үөрэммит. Бэһис куурустан уурайбыт. Үөрэҕин Чурапчы институутугар бүтэрбит[4].

2014 сыллаахха Тулуза куоракка (Франция) буолбут аан дойдутааҕы марафоҥҥа маннык түмүгү көрдөрбүтэ: 2 чаас, 28 мүнүүтэ, 18 сөкүүндэ.

2015 сыллаахха Арассыыйа чөмпүйэнээтигэр 2:29:30 түмүктээх кыайбыта. Эмиэ ол сыл олимпиадаҕа аналлаах аан дойдутааҕы квалификациялыыр Майнатааҕы-Франкфуртка буолбут марафоҥҥа (Германия) төрдүс миэстэни ылбыта уонна Арассыыйа сүүрүктэриттэн саамай үрдүк көрдөрүүлээхтэрэ буолбута (2:24:38). Спортсменка карьератыгар аан бастаан Арассыыйа чөмпүйүөнэ буолбута.

Сардаана Трофимова Кыргыстааҥҥа эрчиллибитэ[5], 2022 сыллаахха бу дойду гражданствотын ылбыта[6][7].

2024 сыллаахха спортсменка Парижка буолбут Олимпийскай марафоҥҥа (нууч.) (сах. кыттан, 2:26:47 түмүгүнэн 14-с миэстэ буолбута, Кыргыстаан национальнай рекордун саҥардыбыта[6].

2025 сыллаахха «Спорт-Экспресс» хаһыакка интервьютугар успуорт карьератын тохтоторо биллэриллибитэ[8].

2026 сыл бэс ыйын 27 күнүгэр АХШ Вашингтон штатын Стэнвуд куоратыгар Америкаҕа олорор сахалар Ыһыатарыгар ыҥырыылаах ыалдьыт буолбута[9].

Тренерэ Татьяна Жиркова.

Дьиэ кэргэнэ

Саргылаана диэн игирэ балтылаах, Сахамин диэн 4 сыл балыс бырааттаах[4].

Кэргэнэ - Евгений Луковцев, Нам улууһуттан төрүттээх хайа инженерэ, 2023 сыллаахха холбоспуттара[10].

Ситиһиилэрэ

  • Марафоҥҥа Арассыыйа чөмпүйүөнэ (2015, 2018, 2019 , 2020 , 2021);
  • Марафоҥҥа Арассыыйа кубогын кыайыылааҕа (2016, 2018);
  • Москва марафонун кыайыылааҕа (2017, 2018, 2020);
  • Марафоҥҥа Кыргыстаан национальнай рекордун туруорбута (2024).

Быһаарыылар

  1. ↑ 1 2 Посельский В. Сардана Трофимова встретилась с юными легкоатлетами (рус.)
  2. ↑ Үөһээ Бүлүү өҥ буоруттан… / хомуйан оҥордулар : О. Д. Федорова, Г. А. Саввинова. — Дьокуускай: СР «Үөһээ Бүлүү» (оройуона) муниц. тэриллии дьаһалтата, Үөһээ Бүлүүтээҕи кыраайы үөрэтэр салаата, 2012. — P. 190—215.
  3. ↑ Василий Посельскай. Сардана Трофимова встретилась с юными легкоатлетами. Sportyakutia.ru (20 Тохсунньу 2016). Сигэнии күнэ: 9 Балаҕан ыйын 2025.
  4. ↑ 1 2 Евдокия Ефимова. Сардана Трофимова о жизни, любви и мечтах. Yakutia24.ru (18 Сэтинньи 2015). Сигэнии күнэ: 9 Балаҕан ыйын 2025.
  5. ↑ Победительница Московского марафона Сардана Трофимова о своих тренировках и подготовке к главному старту страны(нууч.), "Марафонец". Архыыптаммыт 2018, Балаҕан ыйын 24 күнүгэр. Сигэнии күнэ: 9 Балаҕан ыйын 2025.
  6. ↑ 1 2 «В Якутии меня все поддерживают, несмотря на смену гражданства». Лучшая марафонка России выступает за Киргизию и бьет рекорды. https://www.sport-express.net (9 Балаҕан ыйын 2025). Сигэнии күнэ: 9 Балаҕан ыйын 2025.
  7. ↑ Легкоатлетка Сардана Трофимова вышла замуж. https://sport.kg (21 Бэс ыйын 2023). Сигэнии күнэ: 9 Балаҕан ыйын 2025.
  8. ↑ Бегунья Трофимова объявила о паузе в карьере и намекнула на декрет (12 От ыйын 2025). Сигэнии күнэ: 9 Балаҕан ыйын 2025.
  9. ↑ Якутская спортсменка Сардана Трофимова станет специальным гостем Ысыаха в Вашингтоне, Sakhaday.ru (14 Бэс ыйын 2026). Сигэнии күнэ: 13 От ыйын 2026.
  10. ↑ «Сразу понимаешь, что он твой человек»: титулованная спортсменка Сардана Трофимова о свадебном торжестве, новоиспеченном муже и детях-сиротах | Улус Медиа(биллибэт). ulus.media. Сигэнии күнэ: 13 От ыйын 2026.

Эбии бу тиэмэҕэ

Категориялар