Нуучча тылынанАнал бырайыактар
Тылы уларыт
УРУБИИКИ ТУҺУНАН

Табунасов Никон Семенович

Никон Семёнович Табунасов (1914, Кыыллаах, Саха АССР) — сэбиэскэй саха тыйаатырын уонна киинэ артыыһа. Сахалартан уус-уран киинэҕэ уһуллубут бастакы артыыһынан ааҕыллар.

Олоҕун олуктара

1914 сыллаахха Өлүөхүмэ улууһун Кыыллаах сэлиэнньэтигэр төрөөбүтэ. Кыыллаах оскуолатын бүтэрбитэ, кэнниттэн Москваҕа Анатолий Васильевич Луначарскай аатынан Судаарыстыбаннай тыйаатыр ускуустубатын институтугар үөрэммитэ[1].

Тыйаатыр институтун бүтэрэн баран, Москваҕа хаалбыт.

1935 сыллаахха Александр Петрович Довженко туруорбут «Аэроград» диэн уус-уран киинэтигэр уһуллубута. Эдэр чукча оруолун толорбута; киинэ маассабай сыаналарыгар Саха сириттэн устудьуоннар уонна оҕолор кыттыыны ылбыттара[1].

Табунасов толоруутугар киинэҕэ «Кэнтик-мунтук сыттардаах» диэн сахалыы ырыа иһиллибитэ. Бу Сэбиэскэй уус-уран киинэҕэ киэҥ экраҥҥа сахалыы ырыа аан бастаан тыаһаабыта диэн ааҕыллар[1].

1942 сыллаахха репрессияҕа түбэспитэ.

Өлбүт күнэ-дьыла уонна сирэ биллибэт[2].

Быһаарыылар

  1. ↑ 1 2 3 Амбросьев Алексей. Первые актёры народа саха на больших экранах страны. К Якутскому международному кинофестивалю (рус.). SakhaPress.ru (6 Балаҕан ыйын 2017). Сигэнии күнэ: 3 Балаҕан ыйын 2026.
  2. ↑ Никон Табунасов. Кино-Театр.Ру. Сигэнии күнэ: 3 Балаҕан ыйын 2026.

Категориялар