Солдатов Лев Леонидович

1918 сыллаахха ахсынньы 12 күнүгэр Украинаҕа Верхнеднепровскай куоракка төрөөбүтэ.

1936 сыллаахха Грознай куоракка орто оскуоланы бүтэрэн баран Новочеркасскайдааҕы политехническай институкка үөрэнэ киирбитэ, 1941 сыллаахха хайа инженерын идэтигэр үөрэнэн бүтэрбитэ.

Аҕа дойду улуу сэриитигэр кыттыбыта. Демобилизация кэнниттэн Ростов-На-Дону араас производстволарыгар инженеринэн үлэлээбитэ. 1946 сылтан Магадан уобалаһын уран рудниктарыгар, Чукотка шахталарыгар уонна Саха сирин көмүс бириискэлэригэр үлэлээбитэ. «Дальстрой» тириэс салайааччыта этэ. 1959 сылтан Ростов-На-Дону куоракка олорбута, онно массыына оҥорор собуот дириэктэрэ этэ. 1964 сыллаахха Саха сиригэр көспүтэ, онно Үөһээ Дьааҥы улууһугар Эһэ-Хайа бөһүөлэгэр хорҕолдьун руднигын дириэктэринэн анаммыта. 1966 сылтан «Якутзолото» тириэс сүрүн инженерэ буолбута.

1969—1978 сс. — «Якуталмаз» Холбоһук генеральнай дириэктэрэ.

ССРС Үрдүкү Сүбэтин Президиумун 1977 сыл ыам ыйын 12 күнүнээҕи Ыйааҕынан Солдатов Лев Леонидовичка Социалистическай Үлэ Геройун аата иҥэриллибит, Ленин уордьана уонна «Сиэрпэ уонна Балта» кыһыл сулус туттарыллыбыт.

ССРС Үрдүкү Сүбэтин депутатынан иккитэ талылла сылдьыбыта^[1][2].

1997 сыллаахха сэтинньи 30 күнүгэр Москваҕа өлбүтэ^[3].

• Социалистыы Үлэ Дьоруойа^[4] (1977)
• «Бочуот Знага» уордьан
• «Үлэ Кыһыл Знамята» уордьан

• Мирнэй куоракка Лев Солдатовка пааматынньык туруоруллубут;
• Кини аатынан Мирнэй куорат биир сүрүн уулуссата ааттаммыт;
• Мирнэйгэ кини аатынан уулуссаҕа мэҥэ таас ууруллубут, ол тааска өйдөбүнньүк дуоска туруоруллубут;
• Кини аатынан бөдөҥ алмаас ааттаммыт^[5].