Нуучча тылынанАнал бырайыактар
Тылы уларыт
УРУБИИКИ ТУҺУНАН

Слепцов Николай Васильевич - Абыйчанин

Николай Васильевич Слепцов — Абыйчанин (1925 сыл ыам ыйын 13 күнэ — 1997 сыл от ыйын 14 күнэ) — саха сэбиэскэй суруйааччыта, суруналыыс, Саха Өрөспүүбүлүкэтин Суруйааччыларын сойууһун чилиэнэ, Арассыыйа уонна Саха сирин суруналыыстарын сойуустарын чилиэнэ.

Олоҕун олуктара

1925 сыллаахха ыам ыйын 13 күнүгэр Абый улууһун Кириэс-Майыар нэһилиэгэр дьадаҥы бааһынай дьиэ кэргэнигэр төрөөбүтэ.

1941 сыллаахха, Дружина орто оскуолатыгар үөрэнэ сылдьан, аҕата өлөн, үөрэҕиттэн уурайан, холкуоска үлэлээбитэ.

1944 сыллаахха, бултуу сылдьан, очуостан охтубут, ол сылыгар аны күүскэ тымныйан ыалдьан, бастакы бөлөх инбэлиитэ буолбута.

Култуура тэрилтэлэригэр үлэлээбитэ.

1949 сыллаахха, эмиэ ыараханнык ыалдьан, истибэт уонна биир хараҕынан көрбөт буолбута.

Ыарахан ыарыыттан санаатын булгуруппакка, фольклор хомуйуутунан, суруйуутунан дьарыктаммыта[1].

1997 сыл от ыйын 14 күнүгэр өлбүтэ.

Айар үлэтэ

Саха сирин хаһыаттарыгар 1951 сылтан бэчээттэнэн саҕалаабыта. 1960 сыллаахха «Индигииргэ» диэн бастакы кинигэтэ тахсыбыта. Кэлин таптал, саха устуоруйатын уо.д. а. туһунан кинигэлэр суруллубуттара.

Биир биллэр айымньыта «Чучунаа уонна Суланньа». Бу сэһэн фантастическай хайысхалаах: чучунаа көннөрү кыыһы таптаабытын туһунан кэпсэнэр[2].

Наҕараадалара уонна ытык ааттара

  • Саха Өрөспүүбүлүкэтин култууратын үтүөлээх үлэһитэ;
  • Абый улууһун Ытык олохтооҕо (1990).[3].

Айымньылара

Кинигэлэрэ

  • Индигииргэ. — Якутскай, 1960
  • Хотугу муора хонноҕор. — Якутскай, 1965
  • Хотугу кэпсээннэр. — Якутскай, 1968
  • Таптал чараҥа. — Якутскай, 1976
  • Чучунаа уонна Суланньа. — Якутскай, 1984
  • Быданнааҕыта. — Якутскай, 1994

Саха Сирин сурунаалларыгар уонна хаһыаттарыгар бэчээттэммит айымньылара

  • Битээтилиир Охонооhой; Амтаhыйбыт кыыс астыммыт ырыата; Албыннаппыт кыыс абаламмыт ырыата: [Былыргы ырыалартан айан суруйуу] // «Чолбон». — 1995. — № 10. — С. 136—140.
  • Мин доҕотторум — сэрии кэмин оҕолоро; Ураты олоҕум, уот оҕо (Олоҕум кэрчиктэриттэн ахтыылар) // «Хотугу кыым». — Абый, 1995. — Ыам ыйын 27 к. — С. 2,3.
  • Тобулбакка аалларбытым Сэттэ уон сааспар: [Хоhооннор] // «Сахаада». — 1995. — Ыам ыйын 25 к.
  • Биэлэй Бааска: Үhүйээн // «Чолбон». — 1994. — № 10. — С. 82—84.
  • Талааннаах табаhыт: [«Майыар» совхоз 2 №—дээх ыстаадатын биригэдьиирэ, эбээн С. И. Никулин — 70 сааhа] // «Саха Сирэ». — 1994. — Тохсунньу 29 к.
  • Омук ойууна: Кэпсээн // «Чолбон». — 1993. — № 12. — С. 68—73.
  • 36 сыл суруйсубуппут: [Суруйааччылар тустарынан] // «Саха Сирэ». — 1993. — Тохсунньу 12, 13 к., балаҕан ыйын 28, 29 к.
  • «Хотугу кыым» сыдьаайа турдун (Ахтыы) // «Кыым». — 1993. — Ыам ыйын 5 к. — С. 3.
  • Сүрэхчээним, тэтимир! Туундара тиитэ: [Хоhооннор] // «Чолбон». — 1991. — № 5. — С. 38.
  • Чолойо маныыhыт: Номох // «Чолбон». — 1990. — № 6. — С. 74—75.
  • Пегас атым барахсан: Хоhоон // «Хотугу сулус». — 1987. — № 2. — С. 75.
  • Үс оройуон түөлбэтинэн // «Хотугу сулус». — 1984. — № 12. — С. 63—81.

Быһаарыылар

  1. ↑ Николай Абыйчанин (13.05.1925). web.archive.org. Сигэнии күнэ: 16 От ыйын 2026.
  2. ↑ Электронная библиотека Национальной библиотеки РС(Я). Групповой абонемент (рус.). group.e.nlrs.ru. Сигэнии күнэ: 16 От ыйын 2026.
  3. ↑ Абыйский улус:Почетные граждане, известные личности (рус.). Официальный информационный портал Республики Саха (Якутия). Сигэнии күнэ: 16 От ыйын 2026.

Категориялар