Обухов, Лаврентий Авдеевич

Юрьев-Польскай уезд новига уонна Владимирскай уезд помещига (1647—1649). Москватааҕы дворяннарга сүрэхтэммит (1660). Илимскэй остуруок бойобуодата (1662—1664).

Бойобуода дуоһунаһыгар сылдьан дьон быраабын күөмчүлээһининэн, сокуону тутуспатынан биллибит.

1663 сыллаахха Уус-Киренскэйдээҕи Сибэтиэй Троицкай Манастыыр тутуутугар миэстэ булан биэрбит.

1665 сыллаахха Киренскэй дьаарбаҥкаттан кэлэн иһэн суолга Никифор Черниговскай салайаааччылаах бастаанньалаабыт хаһаахтарынан өлөрүллүбүт. Бунтаардар (84 киһи) Амурга куоппуттар. Онно тиийэн Албазино кураанахсыйбыт куораты чөлүгэр түһэрбиттэр.

Лаврентий Авдеевич сокуоннай саастарын ситэ илик уолаттарыгар Александрга, Алексейга, Василийга улахан нэһилиэстибэни хаалларбыт. 1668—1671 сылларга Алексей уонна Василий Обуховтары эпиэкэҕэ ылбыт дьон Москваҕа уонна Мещовскай оройуоҥҥа улахан сирдэри атыылаһан биэрбиттэр.

• Очерки истории русского Дальнего Востока, XVII — начало XX века. Николай Иванович Рябов, Моисей Григорьевич Штейн. Хабаровское книжное изд-во, 1958 — Всего страниц: 173
• История государства российского. А. В. Шевцов. Книжная палата, 1997 — Всего страниц: 476
• Стоят на Амуре русские села. М. О. Шмакова, Э Кандала. Хабаровское книжное изд-во, 1986 — Всего страниц: 253
• Чл.археогр.ком. А. П. Барсуков (1839—1914). Списки городовых воевод и других лиц воеводского управления Московского государства XVII столетия по напечатанным правительственным актам. — СПб. тип М. М. Стасюлевича. 1902 г. Обухов Лаврентий Авдеевич. стр. 532. ISBN 978-5-4241-6209-1.