Мор (Утопия)
Мор (Утопия) (өссө «Мор. Утопия» диэн аат көстөөччү; арҕаатааҕы аата — «Pathologic»; сахалыы тылбаас биир ньымата — «Сор. Санаалар») — экшн, быһылаан, оруоллаах жанрдардаах көмпүүтэр оонньуута, АК-эксклюзив. Ice-Pick Lodge компаниянан оҥоһуллубута уонна Бука таhаарааччынан атыыга Бэс ыйын 9, 2005 сылга тахсыбыта. Арассыыйаҕа «КРИ» оонньуу оҥорооччулар конференциятыгар «Самаай утарсыылаах оонньуу» наҕарааданы ылбыта.[1]
Сүрүн ис хоһооно
Оонньуу түбэлтэтэ кыра истиэп куоратыгар буолар, онно олохтоохторо билигин даҕаны араас былыргы үһүйээннэргэ итэҕэйэллэр уонна өбүгэлэрин үгэстэрин күүскэ тутуһаллар. Биир күн биллибэккэ да эрээри, эмискэ ол сэлиэнньэҕэ дьикти ыарыы кэлэр. Куорат тойон дьиэ кэргэнэрэ, Каиннар, Ольгимскайдар уонна Сабуровтар, хас биирдиилэрэ бэйэлэрин фавориттарын ыҥыран уонна кинилэри туһанан куораты «Кумах бааһыттан» («Песчаная язва», «Песчанка») быаһыы сатыыллар. Хас күн аайы уоннуннан дьон өлөр, ыарыы уобалаһа миэстэтиттэн көһөр, онтон былааһы тутан олорор «чугастыылар» («приближённые») бэйэлэрин кытта тапсыспакка куорат олоҕун ыһан кэбиһэллэр.
Сүрүн оруоллары толорооччулар, медицина наукатын бакалавра Даниил Данковскай, гаруспик (тыынар тыыннах ис органнарын көрөн кэлэр кэми билэр киһи) Артемий Бурах уонна Клара диэн ааттаах эдэр кыыс, куоракка тус бэйэлэрин биричиинэлэринэн биир кэмҥэ кэлэллэр.
Өссө маны көр
Быһаарыылар
Сигэлэр
|
Бикипиэдьийэҕэ «Көмпүүтэр оонньуулара» бырайыак баар |