Милютина Мария Аркадьевна
Милютина Мария Аркадьевна (аҕатынан араспаанньата Жукова, 1973 сыл олунньу 2 күнэ, Алдан, Саха АССР) — тыйаатыр уонна киинэ артыыһа, продюсер, режиссер. Алексей Балабанов «Брат» (1997) киинэтигэр наркотикка ылларбыт «тусовщица» Кэт оруолунан киэҥник биллибит, ол иһин «Кинотавр» фестиваль Гран-притыгар тиксибит[3].
Олоҕун олуктара
1973 сыллаахха олунньу 2 күнүгэр Алдан куоракка төрөөбүт.
Оҕо сааһа Чагда бөһүөлэккэ ааспыт, онно аан бастаан «Хаар түһэр» диэн оскуола туруоруутугар сыанаҕа тахсыбыт. Тыйаатырга интэриэһи киниэхэ эбэтэ иҥэрбит, кинилиин бииргэ радионан испэктээктэри истэр эбиттэр[4]. Кэлин Алданнааҕы үүнэр көлүөнэ тыйаатырыгар оонньуур буолбут[3].
Ленинградтааҕы судаарыстыбаннай тыйаатыр, муусука уонна кинематография институтугар (ЛГИТМиК, билигин РГИСИ) иккитэ үөрэнэ киирэ сатаабыт. Иккис холонуутуттан В. М. Фильштинскай кууруһугар ылыллыбыт. Онно кинини кытта Константин Хабенскай, Ксения Раппопорт, Михаил Пореченков уонна Михаил Трухин үөрэммиттэр. Үөрэнэ сылдьан Ф. М. Достоевскайынан «Преступление и наказание» испэктээккэ Сонечканы, Федерико Феллини сценарийынан «Дорога» испэктээккэ Джельсомины оонньообут[5].
«DE I/DESILLUSIONIST» (ДеИллюзионист) сурунаалы таһаарыынан дьарыктанар. Араас култуурунай тэрээһиннэри тэрийэр. «Шекспир-Тайна-400» арт-бырайыак продюсерынан үлэлиир.
Кэргэнинэн Милютина диэн араспаанньаны ылбыт. Уол оҕолоохтор.
Санкт-Петербург куоракка олороллор.
Айар үлэтэ
Тыйаатыр
Айар үлэтин саҕаланыытыгар хореограф Егор Дружинины кытта үлэлэһэн, «Всегда жизнь!» диэн үҥкүүлээх драмаҕа оонньообут[3].
Кэлин Щепкин аатынан тыйаатыр түмэлигэр режиссер Кирилл Левшинныын Иван Тургенев айымньыларыгар олоҕуран «Первая любовь» испэктээкили туруорбут.
2022 сыллаахха режиссер быһыытынан туруорбут «Гамлет» испэктээкилинэн Арассыыйа куораттарынан гастроллаабыт[5].
Киинэ
1991 сыллаахха киинэҕэ дебюттаан, Евгений Татарскай «Пьющие кровь» диэн мистическэй киинэтигэр (Алексей Толстой «Упырь» сэһэнинэн) Митич хотун оруолун оонньообут[5].
1997 сыллаахха Алексей Балабанов «Брат» культовай киинэтигэр наркотикка ылларбыт «тусовщица» Кэт оруолун толорбут. Артыыска бэйэтэ этэринэн, Балабанов кинини «Ленфильм» картотекатыттан булбут. Бу оруолун иһин «Кинотавр» фестивалга Гран-при ылбыт. Ол сыл «Nautilus Pompilius» бөлөх «Во время дождя» диэн ырыа клибыгар уһуллубут[3][4].
2002 сыллаахха «Светские хроники» киинэҕэ, оттон 2007 сыллаахха «Кто в доме хозяин?» сериалга уһуллубут.
2016 сыллаахха «Затменение» хартыынаҕа, 2017 сыллаахха «Троцкий» историческай сериалга Троцкай сэкэрэтээрин оруолун толорбутаъ.
Кэнникээҥҥи үлэтэ — «Кто вызвал аниматора?» (2024) киинэҕэ оруола[4].
Фильмографията
Артыыс быһыытынан
- 1991 — «Пьющие кровь» — госпожа Митич;
- 1996 — «Злая судьба» (фильм-спектакль) — Сантина;
- 1997 — «Брат» — «тусовщица» Кэт;
- 1997 — клип группы «Nautilus Pompilius» «Во время дождя» — Кыыс;
- 2002 — «Светские хроники» (Лежачего не бьют/4-я серия) — Маргарита;
- 2007 — «Кто в доме хозяин?» (Золотые руки/143-я серия) — Ольга (в титрах Мария Милютина);
- 2008 — «My Tube!» — сүрүн оруол;
- 2017 — «Затмение» — быстах оруол;
- 2017 — «Троцкий» — Троцкай сэкэрэтээрэ;
- 2024 — «Кто вызвал аниматора?»[4].
Режиссёр быһыытынан
- 2008 — «My Tube!»;
- Никулин циркатыгар хас да туруоруу.
Дубляж артыыһын быһыытынан
- 2002 — «Дама в очках, с ружьём, в автомобиле» (Латвия, Россия) — Мари.
Наҕараадалара
- «Кинотавр» киинэ бэстибээлин Гран-при кыайыылааҕа — «Брат» киинэҕэ оруолун иһин (1997);
- «Киношок» киинэ бэстибээлин «Неформат года» бирии7э — «My Tube!» киинэтин иһин (2009)[3].
Быһаарыылар
Эбии бу тиэмэҕэ
 |
|---|
