Махов, Билял Валерьевич
Биля́л Валерьевич Ма́хов (каб.-черк. Махуэ Билал Валерий и къуэ; 1987 с. балаҕан ыйын 20 к. төр. Нальчик) — Арассыыйа көҥүл уонна греко-римскай тустууга бөҕөһө. Көҥүл тустууга аан дойду үс төгүллээх чөмпүйүөнэ, көҥүл тустууга Дьобуруопа чөмпүйүөнэ, көҥүл уонна греко-римскай тустууга Арассыыйа чөмпүйүөнэ. Ырахан ыйааһыҥҥа UFC профессиональнай бөҕөһө[1].
Успуорка карьерата
Көҥүл тустуунан 8 сааһыттан дьарыктанар. 10 сааһыгар бастакы чөмпүйэнээтин кыайбыта. Ол кэмнэртэн греко-римскай тустуунан дьарыктанан саҕалаабыта. 14 саастааҕар кинини Гаджи Гаджиев диэн Дагестан тириэньэрэ таба көрөн, киниэхэ дьарыктанар буолар. 2005 уонна 2006 сыылардаахха юниордарга аан дойду чөмпүйэнээтин кыайар, оттон 2007 сыллаахха улахан дьон тустуутугар тахсар уонна аатырбыт Курамагомед Курамагомедовы кыайан, тута чөмпүйүөннүүр.
2007 сыллаахха Арассыыйа Олимпиадаҕа кэмитиэтэ Билял Маховы "Успуорт сайыҥҥы көрүҥнэригэр сыл бастыҥ арыйыыта" диэн билинэр.
2008 сыллаахха Красноярскайга ыытыллыбыт Иван Ярыгин аатынан көҥүл тустуу чөмпүйэнээтигэр кытта сылдьан ыалдьар. Анаалыс түмүгэ көрдөрбүтүнэн, Махов уртуутунан сүһүрбүт буолар. Онстон сылтаан кини Дьобуруопа чөмпүйэнээтигэр уонна Пекиннээҕи Олимпиадаҕа кыттыбатаҕа.
Ол кэннэ Махов хас да төгүллээн ЦСКА кубогын хас да төгүллээх чөмпүйүөнэ буолар.
2012 сыллаахха Лондоннааҕы сайыҥҥы Олимпиадаҕа көҥүл тустууга 120 киилэҕэ боруонса мэтээли ылар.